Байқау қорытындысы нені байқатты?
Новости
12.05.2017, 19:23

Атырау жүк тасымалы бөлімшесінде өткен көктемгі комиссиялық байқау қорытындысында көптеген кемшіліктің беті ашылып, жауапсыздыққа жол берген жандар жазадан тыс қалмаған болатын. Міне, араға бір апта салып жергілікті теміржолшылар Астанадан келген арнайы комиссия алдында есеп берді.
«ҚТЖ- Жүк тасымалы»АҚ-ның Атырау жүк тасымалы филиалында болған алқалы жиынға «Қазақстан темір жолы»ҰК» АҚ Даму жөніндегі вице-президенті Арман Сұлтанов, «ҚТЖ-Жүк тасымалы» АҚ – Операциялық қызмет жөніндегі вице-президенті Қайрат Сәуірбаев, «ҚТЖ»ҰК»АҚ – «Магистральды желі дирекциясы» филиалының бас инженері Қайырбай Орынбаевтар қатысты. Атырау жүк тасымалы бөлімшесінің директоры Бөріхан Беркімбаев көктемгі байқауға қысқаша шолу жасап өтіп, сөз кезегін Атырау магистральды желі бөлімшесінің директоры Елеубай Сапаров пен Атырау жүк тасымалы бөлімшесі директорының бірінші орынбасары Амантай Жайлығұловтарға берді. Олар көктемгі байқау жол шаруашылығы, белгі беру-байланыс, энергиямен жабдықтау салалары бойынша 752 кемшілік анықталғанын баяндап, қауіпсіздікке қатысты кемшіліктерді саралады.
Атырау жүк тасымалы бөлімшесі бойынша көктемгі байқаудың тұтас қортындысына қанық болған астаналық комиссия мүшелерін анықталған кемшіліктердің дер кезінде түзетілуі алаңдататынын жасырмады.
Магистральды желі дирекциясы филиалының бас инженері Қайырбай Орынбаев сөз алып «ҚТЖ»ҰК» АҚ тарапынан Атырау жүк тасымалы бөлімшесіне соңғы бес жылда құйылған инвестиция көлемі мен көктемгі байқауда орын алған кемшіліктер туралы айтты.
– Біздің комиссия үш бағытты қамтыған құрылым бойынша 47 ескерту жасады. Ескертудің дені станцияларда,соның ішінде Атырау–Ганюшкино станцияларындағы санитар-лық тазалықтың сақталмауы, темір қалдықтардың теміржол аумағының көркін кетіріп, вагондардан шығатын қоқыс-тардың жолаушылардың назарына ілігіп, қоғамдық пікір тудыруы, Сағыз подстанциясына қаражат бөлу, Атырау мен Маңғыстау жүк тасымалы бөлімшелерінің түйісетін учаскелеріне қатысты күрделі мәселелер бар, – деген Қайырбай Ермекұлы шешімін күтіп тұрған тағы біраз мәселені айтты.
Ал, комиссия құрамында болып, біраз кемшілік пен тәртіпке куә болған «ҚТЖ-Жүк тасымалы»АҚ-ның Операция-лық қызмет жөніндегі вице-президенті Қайрат Сәуірбаевтің айтуынша, жүк тасымалы бойынша тексеру кезінде комиссия құрамы екі-үш тәулікте 25 кемшілікті анықтаған. Айталық, станциялар бойынша кемшіліктер бар. Техникалық бөлімшелердің жұмысына сын айтылды. Вагон шаруашылығы бойынша кемшіліктерді атаған Қайрат Әбенұлы биыл вагон жөндеу жұмыстары бұрынғыдан да қатаң бақылауға алынатынын ескертті. «Ақ Жайық-7»ЖШС вагон жөндеуге сатып алынатын қажетті құрал-жабдықтардың сапасына сын айтылды.
– Жөндеу жұмыстарына теміржол қауіпсіздігі тәуелді. Жөндеу сапалы болмаса кедергілер орын алады. Құрал-жабдықтарды қабылдап алушылар көзбояушылыққа жол берсе олардан қатаң сұралу болады, – деген Қайрат Сәуірбаев өткен 2016 жылдың қортындысымен салалық байқауда, Атырау жүк тасымалы бөлімшесі аймақтар бойынша 3 орын, магистральды желі бөлімшесі 2 орын, Ірілендірілген жол дистанциясы 1 орын, электрмен жабдықтау дистанциясы 3 орын алғанын, жалпы көрсеткіште Атырау жүк тасымалы бөлімшесінің жұмысы жақсы екенін айтты. Себебі, көктемгі байқаудың қорытындысында анықталған біраз кемшіліктер аз уақытта жо-йылып, теміржолшылар өздерінің жұмыстарына жауапкершілікпен қарап отырғаны байқалуда.
Атырау жүк тасымалы бөлімшесінің көктемгі байқауы мен проблемалық мәселелері сөз болған алқалы жиынды қортындылаған «Қазақстан темір жолы»ҰК» АҚ-ның Даму жөніндегі вице-президенті Арман Сұлтанов:
– Жалпы Атырау жүк тасымалы бөлімшесі инфрақұрылым бойынша жақсы жұмыстар атқарған. Біз үш бағытты толық қамтыған көктемгі байқаудың жоғары ұйым-шылдықпен өткеніне куә болдық. Осы жиында сөз болған проблемаларды шешу, соның ішінде жөндеу саласы бойынша сатып алынатын құрал-жабдықтарды қабылдап алуда келешекте ешқандай кемшілік болмауы керек. Бізді анықталған кемшіліктердің аз уақытта жойылып, барлық жұмыстардың қысқа мерзімде реттеліп отырғаны қуантады. Биыл еліміз үшін әлемдік маңызы бар «ЭКСПО-2017» Халықаралық көрмесі болады. «Қазақстан темір жолы» ҰК»АҚ компаниясына елдік шараның ойдағыдай өтуі үшін үлкен жауапкершілік жүктеліп отыр. Атырау облысынан 65 мыңдай адам Астанаға бармақ. Олардың аман-есен барып-келуі мұқият ұйымдастырылуы тиіс. Біздің «ҚТЖ»ҰК»АҚ Астанада «ЭКСПО-2017»көрмесі аясында екі үлкен әрі маңызды нысандарды пайдалануға береді. Бұл Ұлттық компаниямыз үшін мерейлі тарихи оқиға болмақ, – деген Арман Тұрлыханұлы атыраулық теміржолшылардың жұмыстарына сәттілік тіледі.
Өз кезегінде Атырау жүк тасымалы бөлімшесі директоры Бөріхан Беркімбаев сыннан қорытынды шығарылып, жұмыстың жүйелі, талапқа сай жүруі үшін жұмыс жасайтындықтарын жеткізді.
Тұрсын ҚАЛИМОВА, Атырау
Регионы
30.07.2025
Уральские ветераны-железнодорожники получили помощь на 7,6 млн тенге
Регионы
30.07.2025
Карагандинские железнодорожницы побывали в музее Карлага
Новости
30.07.2025
Почётный железнодорожник Калтай Самбетов отметил прогресс отрасли
Новости
30.07.2025
АО «НК «ҚТЖ» и TCDD Taşimacilik A.Ş. подписали соглашение о сотрудничестве по развитию ТМТМ
Инфраструктура
30.07.2025
Более 12,8 тысячи работников участвуют в строительстве крупных железнодорожных проектов
Новости
30.07.2025
КТЖ увеличило приём помощников машиниста в связи с ростом грузоперевозок
Пассажирские перевозки
30.07.2025
Дополнительный электропоезд будет следовать по маршруту «Астана – Курорт Боровое»
Новости
30.07.2025
КТЖ и Международный порт Мерсин обсудили сотрудничество в рамках развития ТМТМ
Новости
29.07.2025
Касым-Жомарт Токаев принял председателя совета директоров компании S Sistem Lojistik Хусейна Барлина
Инфраструктура
29.07.2025
Замакима Актюбинской области проверил вокзалы и объекты инфраструктуры в Байганинском и Темирском районах
Новости
29.07.2025
Рационализаторская активность в 2,5 раза превысила план в Акмолинском отделении ГП
Новости / Цифра недели
29.07.2025
Количество нарушений безопасности движения снизилось на 4% в КТЖ
Грузовые перевозки
29.07.2025
Более 550 млн тонн грузов за полгода перевезли в Казахстане
Новости / Архив
29.07.2025
Газета Қазақстан теміржолшысы, №57-58 от 29 июля 2025 года
Новости
28.07.2025
Около 900 раз экстренно тормозили машинисты поездов в Казахстане
КТЖ в лицах
28.07.2025
Более 40 лет на железной дороге: история Александра Исмухамедова
Регионы
28.07.2025
Пожарно-тактические учения прошли на станции Илецк
Новости
28.07.2025
Школьники побывали на экскурсии в центральном музее КТЖ
Новости
28.07.2025
Возгорание потушили на прилегающей к железной дороге территории
Регионы
28.07.2025
Ретровыставка «Страницы стальных магистралей» проходит в Усть-Каменогорске