Машинистер бригадасымен таныстырады

Наурыздың 10-нан бастап, ірі қалалардағы вокзалдар мен сыныптан тыс станциялар және бірінші сыныпты станцияларда жолаушы­­лар пойыздарын жүргізіп келе жатқан машинистің аты-жөнін, фамилиясын хабарлап отырады. Қазіргі кезде Қазақстанның темір жол саласында локомотив бригадаларында 16 мың адам еңбек етеді. Машинист мамандығы темір жол көлігіндегі аса маңызды әрі жауапты қызметтің бірінен саналады. Қызмет түрі машинистен өте жоғары талапшылдықты, біліктілікті, қиын кезде шешім қабылдау шеберлігін яғни, жолаушыларды және жүктерді межелі жерге қауіпсіз аман-есен жеткізу міндеті жүктеледі. Білікті машинист атану үшін жылдар кетеді. Алдымен машинистің көмекшісі болып еңбек етіп барып, өзін барынша жауапкершілігі жоғары талапшыл етіп көрсете білгендер ғана сынақтан өтеді. Локомотивті жүр­гізу үшін нұсқаушы машинист пен тәлімгердің басшылығымен тәжіри­беден өтеді. Үшінші сыныпты маши­нист құқығы берілген соң ғана жүк пойызын жүргізуге рұқсат алады. Жолау­шылар пойыздарын өте білікті, тәжірибелі  бірінші және екінші сыныпты шеберлер ғана жүргізе алады. 2016 жыл «Локомотив» АҚ-да Машинист жылы болып белгіленген.

Сұлугүл  БАКЕСОВА, Астана