Жүз пайыздан кем емес

Новости

15.08.2017, 11:52

Қызылорда станциясында бөлімшедегі жүк тасымалының басым бөлігі атқарылады. Жүзге жуық теміржолшы еңбек ететін станция ұжымы шілде айында 15 вагонға 232 тонна жүк тиеп, жоспарлы межені артығымен 158,90 пайызға орындаған. Жалпы, көрсеткіштердің қай-қайсысын алып қарасаңыз да орындалуы жүз пайыздан кем емес. 900 тонналық айлық жүктемені 13 682 тоннаға жеткізген станциялықтар жоспарды 181,6 пайызға арттырған екен. Өткен жеті ай ішінде 1499 вагонды 88 890 тонна жүкпен толтырған теміржолшылар осы аралықта 6955 вагоннан 327 332 тонна жүк түсіріпті. Жүк тиеп-түсіруден бөлек вагондардың құжаттарын рәсімдеу, құрастыру, кірме жолдарға вагондарды беріп, кері шығару жұмыстарында да көш ілгері станциялықтардың жұмысы сапалы әрі бірқалыпты өндірістік ырғақпен жүргізілуде. Станциядан жөнелтілетін жүктің басым бөлігі өңірдегі агрошаруашылық және құрылыс серіктестіктері. Аймақтағы жүк тасымалы үдерісін арттыру мақсатында станция ұжымы теміржол қызметінің қолайлы, қауіпсіз, сенімді және қолжетімділігін клиенттеріне түсіндіру, ұйымдастыру жұмыстарын жиі жүргізеді. Станцияның техникалық бөлімінің бас маманы Мөлдір Дәулеткелдиева ұсынған мәліметтерді таратып айтар болсақ, теміржолшылар шілде айындағы статистикалық жүктеменің 60 тн/вагон жоспарын 59 тн/вагонға жеткізіп межені 114,3 пайызға орындаған. Бір жүк айналымы операциясы кезіндегі вагонның бос тұру межесінің көрсеткіші 10,00 сағат деп белгіленсе оның орындалуы жоспары ғана орындалмағанмен өзге көрсеткіштер асыра атқарылған екен. Транзит вагондардың құжаттарын рәсімдеу кезіндегі орташа бос тұруы 5,00 ваг/сағатқа межеленсе, оның орындалу көрсеткіші 4,59 ваг/сағатқа төмендетіліп жоспар 107,62 пайыз болса, транзит вагондардың құжаттарын рәсімдемей тұру ұзақтығы белгіленген 1,00 ваг/сағ мөлшерлеме 0,89 ваг/сағатқа айналып көрсеткіш 109,00 пайызға орындалған. Қызылорда станциясынан тиеліп-түсірілетін және транзиттік жүк ағымының кідіріссіз өтуіне 16 станциялық жол, 76 бағыттық бұрма және 46 кірме жолдармен қызмет көрсетуде.

Жүз пайыздан кем емес

Читайте также