Абай бол, өткел!

Новости

03.11.2017, 10:32

Өткен айда Шетпе – 13-бекет аралығында орналасқан 305 км 3 пикеттегі темір жол өтпесінде дрезина АС-1А №1403 және «IVECO» маркалы, мемлекеттік нөмірі «О 815 ОТ 102 RUS» ауыр жүк көлігі соқтығысқан оқиға орын алды. Абырой болғанда адам шығыны жоқ. Десе де мұның өзі болмауға, егер жүргізуші абай болғанда орын алмайтын оқиға болатын. Қазір осы жағдай бойынша тергеу жұмыстары жүргізіліп жатыр. Жүк көлігін Уфалық азамат тізгіндепті. Ол жылжымалы құрамды байқамай қалдым деп ақталған көрінеді. Көлік төменгі жылдамдықпен келіп соққандықтан абырой болып үлкен шығынға ұшыратқан апатты жағдай орын алмаған. Дегенмен осы оқиғадан кейін дистанция бойынша «Абайлаңыз, өткел!» айлығы жарияланған. Айлық дистанцияға қарасты барлық жол өтпелерінде желілік ішкі істер бөлімінің инспекторлары мен көліктік бақылау комитетінің өкілдері, әкімдік қызметкерлерімен бірлесе өткізілуде екен. – Айлық аясында автокөлік жүргізушілеріне темір жол өтпелерінің ережелерін тағы бір рет таныстырып, олардың қатысуымен темір жолдағы төтенше жағдайларды болдырмау мақсатында жұмыстанудамыз. Дистанция тарапынан жол өткелдерінде жыл сайын бейнебақылау құруға мекеме бюджетіне тапсырыс берілуде. Темір жол өткелі қауіпті аймақ болғандықтан жүргізушілердің жолдан өту кезінде қарапайым ережені сақтауын тағы да қатаң ескертеміз, – дейді Маңғыстау жол дистанциясының жетекші инженері Тоқтар Тұрғазиев. Жетекші инженердің сөзінше, Маңғыстау жол дистанциясында осыған ұқсас жағдай 2014 жылдан бері бірінші рет қайталануда. Оған дейін, 2013 жылы 399 шақырымдағы өткелде мұнай тасымалдаушы көліктің темір жол өткелінде тұрып қалуы салдарынан болған алапат өрт оқиғасы әлі ешкімнің есінен шыға қоймаған болса керек. Ал Бейнеу дистанциясы бойынша ағымдағы жылдың басында бір оқиға тіркеліп, газ таситын көлік жылжымалы құраммен соқтығысып, жарылыс болуға шақ қалған. Сондықтан мамандар жол қауіпсіздігін сақтау туралы түсінік жұмыстарын ұдайы жүргізе бермек, деген ол көп жағдайда шлагбаум жабылса да автокөліктердің ережеге бағына бермейтініне қынжылыс танытты.

Абай бол, өткел!

Читайте также

Газета Қазақстан теміржолшысы, №52 от 10 июля 2026 года