Мұнай тасымалы кемісе де...

Новости

02.09.2016, 17:54

Кейбір қиындық-кедергілерге қарамастан Атырау жол бөлімшесі ағымдағы жылды жақсы көрсеткіштермен қорытындылаймыз деген сенімде. Алғашқы жартыжылдықта жүк айналымын 102 пайызға орындаған бөлімшенің, ол өз кезегінде техникалық жоспарының 106,5 пайызын құрап, өткен жылмен салыстырғанда 102,4 пайызға артық болды. «ҚТЖ – Жүк тасымалы» АҚ- ның Атырау бөлімшесі филиалының бас инженері Төрехан Өтеғалиевтің айтуынша, жүк вагондары паркін пайдалану көрсеткіштерінің орындалуы да анағұрлым жоғарылаған. Атап айтқанда, вагонның орташа тәуліктік өнімділігі жоспарға 129 пайызға орындалып, өткен жылмен салыстырғанда ол 126,5 пайызды құрады. Ал, жүк вагонының орташа тәуліктік жүрісі жоспарға 121,4 пайызға орындалып, өткен жылға 117,6 пайыз болыпты. Бөлімше бойынша локомотив паркін пайдалану көрсеткіштерінің орындалуы да жоспарға жоғарылаған. –Өңіріміздегі ең ірі жүк жөнелтуші болып табылатын «Теңізшевройл» ЖШС- нің мұнай өнімін құбырмен тасымалдауды арттыруы салдарынан, мұнай өнімінің темір жол көлігімен тасымалдануының күрт төмен түсуі, қаңтар айындағы жүк тиеу жоспарының жоғары берілуі, телімдегі локомотив жүрісінің жоспарға қысқаруы кейбір пайдалану көрсеткіштерінің орындалмауының басты себебі болып табылды. Осының салдарынан жүк тиеу 65,8, вагонға статистикалық жүктеме 97,4, локомотивтің орташа тәуліктік жүрісі 99,4 пайызды құрады. Алайда, біз жүк тасымалын толастатпай, екінші жартыжылдықта арттыруға күш салудамыз, – дейді бас инженер.

Мұнай тасымалы кемісе де...

Читайте также