Жіңішке – жүк станциясы

Пассажирские перевозки

22.11.2017, 12:48

2 мин чтения

Жіңішке – Ақтөбе темір жолындағы бірінші класты станциялардың бірі. Мұнда Ақтөбе ферроқорытпа зауыты, Ақтөбе хром қоспалары зауыты секілді ірі жүк жөнелтушілермен жұмыс істейтін станцияда сонымен бірге, мұнай құю эстакадалары мен дизельді отын, бензин «Синойл» компаниясы жұмыс істейді. Ақтөбе – Жайсаң телімінде орналасқан станциясында негізгі жүк түрлері бойынша статикалық көрсеткіш ойдағыдай. Өткен 10 айдың ішінде Жіңішке станциясынан 1 171 753 тонна жүк тиелген. Немесе 19 мыңға тарта вагон жүк жөнелтілген. Станция басшысының есебінше, жоспар 101,4 пайызға орындалып отыр. Жіңішке станциясының бастығы Талғат Сағыновтың айтуынша, клиенттерге 57 кірме жол қызмет көрсетеді. Бұл жерде жекенің де, мемлекеттің де жолдары бар. Станциядан алыс та жақын мемлекеттерге, соның ішінде Америка, Жапония, Германия секілді алпауыттарға, сонымен қатар ТМД елдеріне жүк жөнелтіледі. Құрылыс материалдарын тиеу өткен жылдың осы уақыт аралығымен салыстырғанда 112 пайызға, металл сынығы 159 пайызға орындалған. Ал, астық 22 пайызға, мұнай шамамен екі есе артық тиелді. Қысқасы, 10 айдағы көрсеткіш бойынша 3400 вагон (246 мың тонна) қара металл, 1400 вагон (87 мың тонна) химикат тиелген. Жалпы, осы уақыт ішінде статикалық жүктеме 58,9 тонна болып жоспарланғанымен, іс жүзінде 61,7 тоннаны құрап отыр, – дейді станция бастығы. Оның айтуынша, негізгі жүк – металл сынығы (100,3 пайыз), астық (106,9 пайыз), қара металл (101,8 пайыз), құрылыс материалдары (102,6 пайыз) мен мұнай өнімдері (104,2 пайыз) бойынша статикалық көрсеткіш ойдағыдай. Ал, Жіңішке станциясында түсірілетін жүк түрлері қандай дегенге келер болсақ, осы жылдың 10 айында 41,7 мың вагон жүк түсірілу жоспарланған. Іс жүзінде жоспар 6 пайызға артығымен орындалып, бүгінде басқа жақтан келген вагондар саны 42,2 мыңнан асып жығылады. Шамамен 2,5 мың вагон артық түсірілді. Басқа өңірлерден, негізінен, руда (17 мың вагон), кокс (шамамен 4 мың вагон), известь (3 мыңдай), күкірт (300 вагон), құйылмалы тауар (2,6 мың), сода (2 мыңға тарта), ферроқорытпа (545 вагон), т.б. жүк әкелінген, – деді станция басшысы.

Жіңішке – жүк станциясы

Читайте также

Сейчас читают