248 станцияда 7 мыңнан астам жарықдиодты шамдар орнатылды
«Қазақстан теміржолшысы» газетінің тілшісі
«ҚТЖ» ҰК» АҚ транзиттік дәліздердің теміржол инфрақұрылымындағы «тар жерлерді» жою бойынша Жол картасына сәйкес электрмен жабдықтау дистанциялары қызметкерлерінің күшімен бірқатар құрылыс-монтаждау жұмыстары орындалды.
Атап айтсақ, Күншығыр Рзд, Рзд 20, Керкелмес және Боройнақ станциялары бойынша сигналдық нүктелердің қоректенуін ауыстыру, сондай-ақ, Балқаш-2 және Алтынкөл станциялары бойынша сыртқы жарықтандыруды монтаждау бойынша жұмыстар жүргізілді. Осы жобаларды жүзеге асыру станциялардың өткізу қабілетін арттыруға және ұзын құрамды пойыздарды өткізуді қамтамасыз етуге, мердігерлік ұйымдарды тартпай, күрделі құрылысты орындауға жұмсалатын шығындар деңгейін төмендетуге мүмкіндік берді. Сондай-ақ теміржол көлігі қызметкерлерінің еңбек жағдайларын жақсарту, станцияның қауіпсіз жұмысын қамтамасыз ету үшін 18 электрмен жабдықтау дистанциясы бойынша 248 станцияда 7272 бірлік жарықдиодты шамдарды сатып алу және орнату шаралары атқарылды.
– 2022 жылы департамент тарапынан электрмен жабдықтау шаруашылығы бойынша әбден тозығы жеткен және ауыстыруды, сондай-ақ күрделі жөндеуді және ССПС паркін жаңартуды қажет ететін тартымдық қосалқы станциялардың электр техникалық жабдықтарын элементтік жаңарту бойынша жұмыстары жалғаспақ. Жалпы, іс-шараларды енгізу бойынша жүргізілетін жұмыстар пойыздар қозғалысының қауіпсіздігін қамтамасыз етуге, қауіпсіз еңбек жағдайларының деңгейін, теміржолдарды және басқа электр энергиясын тұтынушыларды электрмен жаб- дықтау жүйесінің сенімділігін арттыруға мүмкіндік береді», – дейді Электрлендіру және энергетика департаментінің менеджері Мұрат Жүсіпұлы.