Астана ПМС мекемесі жол салу техникаларымен қамтылды
«Қазақстан теміржолшысы» газетінің тілшісі
«Қамқор Менеджмент» компания тобы тұрақты негізде құрылыс және жөндеу техникасын жаңартуға қаражат бөлуде. Ондағы мақсат, «Қазақстан темір жолы» ұлттық компаниясының қажеттілігін барынша қанағаттандыру және теміржол магистральдарындағы сапа мен сенімділікті, сондай-ақ қауіпсіздікті қамтамасыз ету.
Оның айқын дәлеліне, аталған компания тобының «Теміржол жөндеу» филиалы – Астана ПМС мекемесіне төсеме краннан, 3 мотор платформасынан және алмалы-салмалы жабдығы бар 22 платформадан тұратын жол салу кешенін сатып алып беріп, жеткізуін атар едік. Мекеме мамандары, арнайы жылжымалы құрамды жаңарту жолдың жоғарғы құрылысын салу мен қайта жаңартудың жыл сайынғы қарқынын өсіруге, теміржолдарды жөндеу және қызмет көрсету технологиясын жетілдіруге мүмкіндік беретінін айтады.
Еске сала кетсек, жол салу ісінде аса тәжірибелі мекеме «Теміржол жөндеу» мамыр айының жоспарын 40,632 км немесе 111% асыра орындаған болатын. Сондай-ақ, 13,5 км көлемінде жаңа рельс иіні ауыстырылып, 93 000 текше метр көлемінде жаңа қиыршық таспен жол балласталған-ды. Ал жаңа жол салушы су жаңа кешеннің келуімен жұмыс өнімділігі еселеп арта түспек.