ҚТЖ пойыздардың жылдамдығы мен жолдың сапасын арттырады

Осы жылдың 7 айында темір жолды күрделі жөндеу үшін 1,4 мыңға жуық технологиялық "терезе" берілді, деп хабарлайды Rail-news.kz.

"Терезелердің" ұзақтығы 8,7 мың сағаттан асады. Жөндеу жұмыстары жүктемесі жоғары учаскелерде жүргізіледі.  

Берілген көлемді барынша орындау үшін "терезеге" жол машиналары мен механизмдері тартылады. "Терезе" кезінде жолдар, байланыс желісі, белгі беру, орталықтандыру және блоктау құрылғылары жөнделеді. Күрделі жөндеу жолдың сенімділігін, оның сыртқы әсерлерге төзімділігін және де пойыздар жылдамдығын арттырады.  

2022 жылы 551 жолға күрделі жөндеу жоспарланған.