Биыл 570 шақырым теміржол күрделі жөндеуден өтті
2024 жылы теміржолшылар 1400 км-ден астам магистральды жаңартуды жоспарласа, оның 570 км күрделі, жолдың жоғарғы құрылымын толығымен ауыстырды, деп хабарлайды Rail-news.kz.
Бүгінгі таңда барлық өңірлерде күрделі сипаттағы жұмыстар аяқталды.
«Сонымен қатар, ҚТЖ желісінде жолды күшейтілген орташа және орташа жөндеу жұмыстары жалғасуда. Теміржолшылар рельстік тіректерді, рельстік табандарды үздіксіз ауыстыру жұмыстарын және т. б. профилактикалық іс-шараларды жүргізуде», - деді «ҚТЖ «ҰК» АҚ филиалы – «Магистральдық желі дирекциясы» жол және құрылыстар департаментінің бас менеджері Берік Биятов.
Жол жөндеу бойынша жоспарлы жұмыс теміржол тасымалының қауіпсіздігін қамтамасыз етуге бағытталған. Жүк ағынының артуы жағдайында жыл сайын жол жөндеу қажеттілігі артып келеді. Темір жол тарифтері қайта қаралған жағдайда, ҚТЖ жыл сайын жөндеу көлемін ұлғайтуға ниетті. 2029 жылға дейін барлығы 11 000 км теміржолды жаңарту жоспарлануда.