Қызылорда өңірінде 50 шақырым темір жолы күрделі жөндеуден өтеді
Биыл Қызылорда магистральдық желі бөлімшесі рельс-шпалдық торды толық ауыстыра отырып, 48,6 км темір жолды күрделі жөндеуден өткізеді, деп хабарлайды Rail-news.kz.
Жұмыстар Қаракеткен – Қараирим, Шиелі – Ақмая-рзд., Жалағаш-Тереңөзек, Екпінді рзд.-Томенарық, Томенарық-рзд.Бортескен, Қазалы - Бекбаулу часкелерінде жүргізіледі. Жалағаш және Белкөл станцияларында 5 км астам жол орташа жөндеумен қамтылады.
Сондай-ақ, жол техникасының көмегімен теміржолшылар ластанған балласты 24,2 км тазартады. Бағыттамалық бұрмалардың 50 жаңа жиынтығы салынады. Өздігінен жүретін рельсті дәнекерлеу машиналары мен алюминотермитті дәнекерлеуді қолдана отырып, олар ақаулы жерлерді жояды және рельсті буынның тұтастығын қалпына келтіреді.
Жолдардағы жөндеу жұмыстарынан басқа Қызылорда магистральдық желі бөлімшесінің шекарасындағы теміржолшылар 111 км салып, 146 км мал қоршауын жөндейді.