Трансформация дегеніміз – уақыт талабына бейімделу

Сұхбат
04.03.2022, 11:19
Сұлугүл Бакесова

«Қазақстан темір жолшысы» газетінің тілшісі

«ҚТЖ» ҰК» АҚ – бизнесті трансформациялау бағдарламасын бірінші болып жүзеге асыра бастаған еліміздегі ірі компания. Бұл бағдарлама компанияның білімі мен біліктілігі үйлескен мықты мамандарын бір команда төңірегінде жинады. Олардың арасында жол шаруашылығының кәсіби маманы, талай жобалардың сәтті жүзеге асуына ұйытқы болған Құрметті теміржолшы Татьяна Суслова да бар. Бүгінгі сұхбатымыз трансформация тақырыбында өрбіді.

  – Татьяна Михайловна, жалпы трансформациялау бағдарламасының көздеген мақсат-міндеті не?

– Трансформациялау бағдарламасы тек бизнес-үдерістер мен технологияларды өзгертуді ғана емес, сонымен қатар компанияның және оның еншілес кәсіпорындарының топ-менеджерлерінен бастап барлық деңгейдегі қызметкерлерінің ойлауы мен іс-әрекетін өзгертуді көздейді. Трансформациялау – бұл өз біліктілігін жоғарылату, оқытудан өту, әлемдік деңгейдегі компаниядан бірегей іс-тәжірибе алу және өз әлеуетін іске асыру мүмкіндігі. Компания қызметкерлердің өзгеріп отыратын мақсаттарға сәйкес келетін жаңа машықтарының дамуына ықпал ететін болады. Яғни, трансформация – барлық қызметкерлер үшін жаңа мүмкіндіктер көкжиегі.

– Сіздің есіміңізді теміржолшылар кешеге дейін жол саласымен байланыстырып келді. «Туғаныңыздай» болып кеткен жол шаруашылығынан атауы таңсық трансформациялау саласына ауысу қиын болған жоқ па?

– Жаңа қызметке ауысып, ой-санамды түбегейлі өзгерту арқылы мен де трансформацияландым (күліп, авт.) Мені трансформация командасы құрылып жатқан кезде, яғни 2014 жылы сәуірде бірге жұмыс істеуге шақырды. Мен ол кезде Магистральдық желі дирекциясының Жол және құрылыстар департаментінің нормативті-техникалық құжаттама басқармасының бастығы едім. Жұмысым өзіме ұнайтын. Екіншіден, трансформация ол кезде маған кірсең ішіне адасып қалатын қалың қара орман сияқты еді. Оны түсінбедім, түсінуге аса құлық танытпадым, тіпті «секта» деп те күлетінмін. Бір жылдан соң тағы да ұсыныс түсті.

Сол кезде ғана барып бұл құрылымға зор ықылас қойып, зерттеуге кірістім. Ол мені тұңғиығына тарта берді. Бұл жаңа бір қызықты жұмыс еді. Өмірбақи өндіріспен айналысқан мен өзгеше бір ортаға тап болдым. Біздің алдымызда жаңа компания құру міндеті тұрды және ол өте тартымды еді. Осылайша, мен трансформациялау командасының мүшесі болдым.

– Бұл қызметтің артықшылығы не деп ойлайсыз?

– Бұл қызметтің артықшылығы – топ болып, бір мақсатта, бір бағытта еңбек ету. Ортақ мүдде, қызығушылық бар. Трансформациялау командасында жұмыс істеу барысында біз мақсатты карта жасап, бизнестің қағидалары мен рөлін жаздық. Бұл карта бірегей болып шықты, ондай ешкімде жоқ. Бизнес қағидалары біртіндеп тәжірибеде іске асып жатыр. Теміржолдың әртүрлі бағыттағы қызметтеріне технологиялар енгізіліп, еңбек өнімділігін арттыратын процестер жүріп жатыр. Сала мамандары қазіргі заман талабына сай білімдерін жетілдіріп, жаңа дағдыларды, мамандықтарды меңгеріп жатыр.

Яғни, кешегі күні бүгінгіге, бүгінгісі ертеңіне ұқсамайтын уақыт көшіне үн қосуда. Ал адам, процесс, технология үндесіп, үйлесімділік тапқанда компания дамып, алға ілгерілей берері сөзсіз. Сондықтан цифрлық трансформациядан теміржолдың да, теміржолшылардың да ұтары көп. Ең бастысы, бәсекелестікке қабілетті болуға, кірісті арттыруға ұмтылыс бар. Қазір мен трансформациялау командасында «Бизнес шешімдерді интеграциялау» бөлімінде жетекшілік етемін.

– Бүгінгі таңда нақты іске асқан қандай жобаларды атар едіңіз?

– Бүгінге дейін бірқатар жобалар мен іс-шаралар жүзеге асырылды және олар жедел қызметке көшірілді. Мәселен, 2021 жылы бағдарламаның 4 жобасын іске асыру аяқталды. Олар – қауіпсіздік, еңбекті қорғау, өнеркәсіптік және экологиялық қауіпсіздік саласында ИТ шешімдерін енгізу; Маркетинг және өткізудің жаңа моделін енгізу (қайта жүктеу); «Магистраль» АБЖ МДК және ақпараттық қауіпсіздіктің жаңа үлгісін енгізу. Барлық жобалар бойынша жоспарланған мақсаттар мен міндеттер толық орындалды. Белгіленген тәртіпке сәйкес есептер құрастырылды, тиісті тараптармен келісіліп, бекітілді. Жобалардың аяқталуы Жаңғырту жөніндегі кеңес, басқармамен бекітіліп, директорлар кеңесімен мақұлданды.

– Биылға межеленген жоспар-жобаларыңыз қалай?

– 2022 жылдың 1 тоқсанындағы жағдайға келсек, бағдарламаның ағымдағы жобалық портфелі 18 жобамен ұсынылып отыр. Жобалардың 95%-ы тікелей немесе жанама түрде компанияның тиімділігін арттыруға бағытталған. Негізінен процесті реинжинирингілеу және қызметті автоматтандыру арқылы шығындарды оңтайландыру және өнімділікті арттыру межеленуде. Жобалары негізінен жолаушылар ағынын, жүк тасымалы мен тұтынушыларға қызмет көрсету деңгейін жақсартуға бағытталған. Сонымен қатар бізге тасымалдау процесінің тиімділігін арттыру міндеті қойылып отыр, осыған байланысты ҚТЖ компаниялар тобының қызметін үш бағытта түрлендіру бойынша кешенді бағдарламалар қарастырылған: FIX THE BASIC (негізді бекіту) бойынша 6 бағдарлама, яғни, тиімді жүк, тиімді теміржол инфрақұрылымы, тиімді логистика, тиімді жолаушылар тасымалы, автоматтандыру және тиімді жылжымалы құрам. Екіншісі – трансформацияның өтпелі бағдарламалары бойынша корпоративтік мәдениет және дебюрократизация сынды екі бағдарлама қарастырылса, үшіншісі – реинжиниринг бойынша берік тармақ, цифрлық трансформация, технологиялық саясат, инфрақұрылым операторы бағдарламалары бар. Бүгінгі таңда жобалық кеңсе құрылымдық бөлімшелердің жедел қызметіне тереңірек үңіліп, егжей-тегжейлі талдау жұмыстарын жүргізіп, «тар жолдарды» анықтап, оларды шешу жолдарын бірлесіп әзірлеуде.

– Әңгімеңізге рахмет!

Жаңалықтар
02.12.2022
Екібастұз теміржолшылары қатаң режимде жұмыс істеп жатыр
Жаңалықтар
02.12.2022
ҚТЖ-да зияткерлік меншік құқықтарын қорғау туралы айтылды
Жаңалықтар
02.12.2022
Кәсіподақ жетекшісі сайланды
Жаңалықтар
02.12.2022
Теміржолшы Айымкүл Омарова 80 жасқа толды
Станция тынысы
02.12.2022
Әйтеке би станциясының тыныс-тіршілігі
Қауіпсіздік
02.12.2022
Вагон қараушының қырағылығы арқасында жүк пойызы апаттан аман қалды
Жаңалықтар
02.12.2022
Қосымша кіріс көзі
Аймақтар
02.12.2022
Табиғатқа – жанашыр көзбен
Жаңалықтар
02.12.2022
Отандық зауыт ҚТЖ-мен бірлесіп жаңа өндірісті игеруде
Жүк тасымалы
02.12.2022
Семей арқылы Ресейге жүк жеткізу 2,5 есе артқан
Әлеумет
02.12.2022
ҚТЖ Екібастұзға көмек ретінде төрт вагон бөлді
Жаңалықтар
02.12.2022
Ынтымақтастық форумы өтті
Инфрақұрылым
02.12.2022
Ауқымды инвестиция тартылмақ
Мұрағат
02.12.2022
«Қазақстан теміржолшысы» газеті, №94 02 желтоқсан 2022 жыл
Жаңалықтар
01.12.2022
ҚТЖ академиясында 200-ден астам теміржолшы оқудан өтті
Әлемде
01.12.2022
Нидерландыда машинистсіз жүретін маневрлік локомотив таныстырылды
Станция тынысы
01.12.2022
Қазалы станциясында бір ғасырдан асқан станок әлі жұмыс істеп тұр
Әлемде
01.12.2022
Alstom компаниясы сутегімен жүретін маневрлі локомотивті таныстырды
Станция тынысы
01.12.2022
Шеберханадан дистанцияға айналған
Жүк тасымалы
30.11.2022
Қазақстан арқылы өтетін Қытай мен Ресейдің контейнерлік тасымалы төрт есеге ұлғайған