Ерлан Рахимжанов: "20 бағытқа пойыз құрастырамыз..."

Сұхбат
26.03.2021, 17:09
Райхан Рахметова

«Қазақстан теміржолшысы» газетінің тілшісі

Нұр-Сұлтан станциясы бар әлемге қиын тиген өткен жылды жаман қорытындылаған жоқ. Пойыздар қозғалысы қауіпсіздігі қамтамасыз етіліп, техникалық құралдардың жұмыс істемей қалуына жол берілмеді. Вагондар паркінің сақталуында да кемшіліктер болмаған. Техникалық сабақтар былтыр наурыздан бастап әлі күнге онлайн түрде өткізіліп келеді. Бұл туралы станция бастығы Рахимжанов Ерлан Бейсенбайұлы әңгімелеп берді.

– Ең бастысы, қатаң карантин шектеулеріне қарамастан станция арқылы жүк ағыны артқан. Яғни, тәуліктік жүк тасымалы 2019 жылы 67 жұп пойыз болса, былтыр ол 76 жұп пойызға жеткен. Әрине, кемшіліксіз болмайды, дегенмен олардың бәрі жойылып отырады. Мәселен, былтыр комиссиялық байқаулар кезінде 2259 кемшілік анықталды. Тәртіптік шаралар қызметтік нұсқаулық талаптарын бұзғаны үшін 558 қызметкерге қолданылды. Өткен жылы станция басшылары 97 тосын тексеру нәтижесінде 121 кемшілік тапса, биыл бірінші айда тосыннан 11 рет тексеру жүргізу кезінде 25 олқылықты анықтады. Соған байланысты 49 қызметкер тәртіптік жазаға тартылды. Сонымен бірге биылғы қаңтар айында жүргізілген комиссиялық тексеру барысында 178 кемшілік табылып, бәрі жойылды.

– Станцияның жүк жөнелту және қабылдау бойынша мүмкіндіктері қалай?

– Өте жақсы. Бізде тәулігіне 3 жарым мың вагонды өңдей алатын сұрыптау дөңесі бар. 20 бағыт бойынша пойыз құрастырамыз. Соған лайықты қызмет көрсететін 7 паркіміз жұмыс істеп тұр. Бізге келіп түсетін жүк ағыны өте үлкен. Қаланың еті, сүті, майы – бәрі осы жерге кеп түседі. Соны уақытында өз клиенттерімізге түсіріп беріп, дер кезінде қызметпен қамтамасыз ету керек. Сондықтан біз пандемия кезінде де үздіксіз жұмыс істеп, тасымалды тоқтатпадық. Түсіру, тиеу кіреберіс жолдарда жасалады. Тәулігіне 17 жұп жолаушылар пойызы өтеді. «Нұрлы жол» вокзалы таңертең алтыдан түнгі 12-ге дейін ғана жолаушылар пойыздарын қабылдайтындықтан, қалған аралықта келетін жолаушылар пойыздары бізге тоқтайды.

– Ұлттық компания қызметкерлердің қауіпсіздігін, жалпы еңбек адамын басты орынға шығарады. Қазір соның өзектілігі одан сайын арта түскен сияқты...

– Иә, оныңыз рас. Біз қазір панде- мияға байланысты барлық талаптарды орындап, қызметкерлердің денсаулығын бірінші орынға қойып отырмыз. Бүгінде техникалық сабақтардың бәрін онлайн өткізіп жатырмыз. Себебі адамдарды бір жерде көп жинай алмаймыз. Стан- цияда 570 адам еңбек етеді. Солардың бәрі қауіпсіздікті бірінші өздерінен бастауы керек.

– Қазір сала қызметкерлерінің кәсіби деңгейін арттыруға да өте қатты көңіл бөлінуде. Сол талаптар үдесінен шығу жағы қалай?

– Рас, қазір әрбір теміржолшыға қойылатын талаптар күшейді. Салада кәсібилік, тиімділік, табыс, үнем деген ұстанымдар басты орынға шықты. Біз де соған қарай жұмыс жүргіземіз. Жұмыскерлердің біліктілігін көтеру үшін жыл бойына түрлі іс-шаралар, іскерлік ойындар ұйымдастырып, жақсы жауап бергендерді ақшалай, марапаттар беріп ынталандырамыз. Себебі бізде кадр тұрақсыздығы бар, әсіресе, жастар үйреніп алып, басқа жоғары жаққа кетеді. Соларды қалсын, талпынсын деп көптеген шаралар атқарылуда. Олардың еңбек жағдайын жасауға көңіл бөлініп отыр. Мәселен, бізде сұрыптау дөңесіндегі қосын ғимаратына ағымдағы жөндеу жүр- гіздік. Індет кезінде мереке тойлау болған жоқ. Сондықтан біраз қаржы үнемделді. Үш жүзге жуық орындық сатып алдық. Теміржолшыларға кімге, қандай көмек керек, соны да анықтап, көмек бердік. Басты ғимаратқа да жөндеу жүргізілді.

– Қауіпсіздік туралы айтқанда бөгде адамдардың жолды кесіп өтуі салдарынан туындайтын келеңсіздік туралы айтпай кете алмаймыз...

– Иә, ол бір өзекті тақырып. Біз бірнеше құрылымдық мекеме өкілдерімен бірге жол бойында жиі рейдтер өткіземіз. Елордада теміржол стан- циясының екінші бетінде «Лесозавод» шағын ауданы бар. Сол жақтың халқы арнайы көпірлерді пайдаланбай, тіке өтіп кетеді. Солармен жұмыс жүргіземіз, халыққа түсіндіреміз. Теміржол бойындағы мектептерге барамыз. Бейнеролик түсіреміз. Бро- шюра таратамыз. Былтыр станция теміржолында екі суицид болды. Бізде станцияда 20 жерде бейнекамера бар. Соның көмегімен олардың суицид жасағаны дәлелденді. Теміржолда бөгде адамдарды пойыз басып кету оқиғасын азайту, олардың белгіленбеген жерде жүруін болдырмау, вагон паркінің, тасымалданған жүктердің және қатаң есептегі инвентарлардың сақталуын қамтамасыз ету үшін біз екі нәрсені қажет деп санаймыз. Біріншісі, станцияның периметрі бойынша қор- шау салу және екіншісі, станцияның анағұрлым қауіпті жерлерінде әскерилендірілген теміржол күзеті қызметі қызметкерлерін көбейту. Бұл ұсыныстар тиісті басшыларға жолданды.

Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі
Жүк тасымалы
15.09.2025
Мамыр-қыркүйек аралығында 24 млн тонна көмір тасымалданды
Цифрландыру
15.09.2025
Бейнеу станциясы цифрландыруға көшеді
Станция тынысы
15.09.2025
Теміржолшылардың қажырлы еңбегі: Арал станциясының көрсеткіштері
Аймақтар
15.09.2025
Матай станциясында локомотившілердің демалыс үйі күрделі жөндеуден өтті
Әлемде
15.09.2025
Alstom Польшаға арнап екіқабатты электр пойыздарын жасайды
Әлемде
15.09.2025
Ресей Арктикадағы теміржол желісін дамытуға ниетті
Жаңалықтар
12.09.2025
ҚТЖ-да еңбек қорғау және экология бойынша корпоративтік олимпиаданың жеңімпаздары анықталды
Жаңалықтар
12.09.2025
ҚТЖ сатып алу жүйесіне жасанды интеллект енгізіп, отандық өндірісті қолдайды
Жолаушылар тасымалы
12.09.2025
«Алматы – Мәскеу» бағытында тікелей теміржол қатынасы ашылады
Жаңалықтар
12.09.2025
Өткенге есеп, келешекке міндет
Қауіпсіздік
12.09.2025
Қауіпсіздік өзіңнен басталады