Билет бағасына ортақтасқан компаниямен келісім жойылды
«Қазақстан теміржолшысы» газетінің тілшісі
«Қазақстан темір жолы» ҰК» АҚ мен «Instant Payments» ЖШС арасындағы келісімшарт жойылды. Жолаушылар пойыздарына электрондық жол жүру құжаттарын ресімдеу мен сатуды ұйымдастыру бойынша қызметтерді сатып алу туралы аталған компаниямен шарт мерзімінен бұрын бұзылды, деп хабарлайды Rail-news.kz.
Ұлттық компания бұл қызметтерді енді дербес ұсынатын болады. Жол жүру құжаттарын ресімдеу сайтта әдеттегі режимде жүргізіледі. Аталған жол жүру құжаттарын рәсімдеу BILET.RAILWAYS.KZ кассаларында және онлайн сервистерде жүргізіледі. Бұл ретте сервиске қолжетімділік нарықтың барлық қатысушыларына ашықтық және айқындық қағидаттары бойынша беріледі. Осылайша тұтынушы тараптан сенімге ие бола отырып, сервис қызметінің сапасын арттыру мүмкіндігі қарастырылады.
Еске сала кетсек, «Instant Payments» ЖШС-мен шартқа 2014 жылы 2023 жылдың соңына дейін әрекет ету мерзімімен қол қойылған еді.