«Нұрлы жол» вокзал кешеніне 5 жыл толды

Фото: Александр Жабчук
Сұлугүл Бакесова

«Қазақстан теміржолшысы» газетінің тілшісі

Биылғы 1 маусым күні – елорданың сәулетті де сәнді «Нұрлы жол» вокзал кешеніне 5 жыл толды. Вокзал ұжымы алғашқы мерейтой құрметіне сол күні таңертең бірінші болып келген «Өскемен-Нұр-Сұлтан-Нұрлы жол» бағытындағы №68 Тальго пойызының 1-вагоны 5-орындағы жолаушыға тосынсый жасады.

Сондай-ақ, вокзал кешенінде бес жылдық мерейтойға арналған салтанатты шара өтті. Вокзал кешенінің директоры Эрик Шинтеков бес жыл бойы 11 млн астам жолаушыға қызмет көрсеткен елорданың бас теміржол қақпасының қызметкерлерін мерейтоймен құттықтап, еңбекте абыройға кенеле беріңіздер деп ізгі тілегін білдірді.

Нұрлыжолдықтарды Магистральдық желі дирекциясының Вокзал шаруашылығын дамыту және пайдалану жөніндегі атқарушы директоры Жұбан Көрпебаев та құттықтап, осы вокзалдың іргетасы қаланып, пайдалануға берілгенге дейін басы-қасында жүрген Б.Орынбасаров, Ф.Галимов, Е.Мейірбековтің құттықтау лебіздерін жеткізді және ауызбіршілік пен ұйымшылдық, креативтілік пен заманауи көзқарас қалыптасқан ұжымға еңбекте табыс, денсаулық, амандық тіледі.

«Өскемен-Нұр-Сұлтан-Нұрлы жол» бағытындағы Тальго пойызының 5-орынды жолаушысы Шынар Қойбағарова мен оның ұлына мерейтой иелері ескерткіш сыйлық пен «Нұрлы жол» вокзал кешеніне 5 жыл» деген жазуы бар тәтті торт сыйлады. Ал вокзал ұжымын арнайы құттықтап келген «Жолаушылар тасымалы» АҚ бас директоры Жәнібек Тайжанов әріптестеріне ақжарма тілегін жеткізіп, жолы болған жолаушыларға билет сатып алғанда әртүрлі мөлшердегі жеңілдіктерді беретін «Алтын» және «Жастар» дисконт карталарын табыстады.

– Бұл мен үшін күтпеген тосынсый болды. Вагонға кіріп келген вокзал қызметкері «5-орында келе жатқан кім?» дегенде шошып кеттім. Еңбек демалысымды алып, ұлым екеуіміз астананы көруге келе жатқанбыз. Демалысым жақсы тосынсыймен басталып жатыр. Мен Защитада бұрынғы теміржол ауруханасында бас бухгалтер болып жұмыс істеймін. «Нұрлы жол» вокзалының ұжымын бесжылдық мерейтоймен құттықтап, еңбекте табыс, денсаулық, бақыт тілеймін. Ал «Жолаушылар тасымалы» АҚ-на керемет сыйлықтары үшін алғысымызды білдіреміз. Пойыздарымыз тоқтаусыз жүріп, жолаушылар саны арта берсін! – деп жүрекжарды лебізін білдірді Шынар Қойбағарова.

«Нұрлы жол» теміржол вокзал кешенін және Нұрлы жол станциясын бес жылдық мерейтойымен «ҚТЖ-Жүк тасымалы» ЖШС, Ақмола ЖТ бөлімшесі жетекшілері де құттықтап, серіктестікке қарасты станциялардың озат қызметкерлерін марапаттады. Вокзал кешенінің ерен еңбегімен көзге түскен үздік қызметкерлері мен мерейтой құрметіне өткізілген үстелі теннисі мен шахмат ойыны жарыстарының жеңімпаздары да сый-сияпатсыз қалмады. Салтанат соңы мерекелік концертке ұласты.

Жаңалықтар
15.10.2025
Бакуде Қазақстан мен Әзербайжан Орта дәлізді дамыту барысын талқылады
Жаңалықтар
15.10.2025
Достық-Мойынты учаскесінде жаңа энергия объектілері пайдалануға берілді
Жолаушылар тасымалы
15.10.2025
ҚТЖ пойыздарды қысқы маусымға дайындауда
Қауіпсіздік
15.10.2025
Теміржолда тәртіп бұзғандар жазаланды
Жаңалықтар
14.10.2025
Үздік теміржолшылардың суреттері ҚТЖ ғимаратының LED-экранынан көрсетілді
Жаңалықтар
14.10.2025
Қоғамдық тыңдау өтті
Цифрландыру
14.10.2025
Сандық жүйеге көшу – уақыт талабы
Инфрақұрылым
14.10.2025
«Бақты-Аягөз» құрылысы қарқын алды
Жаңалықтар
14.10.2025
Колледж оқытушылары ҚТЖ-да тағылымдамадан өтті
Аймақтар
14.10.2025
Семейлік теміржолшылар 5 мың түп көшет отырғызды
Аймақтар
14.10.2025
Экочеллендж жалғасып жатыр
Инфрақұрылым
14.10.2025
Жаңа жолдың тиімділігі неде?
Инфрақұрылым
14.10.2025
Түркістан өңірінде алты вокзалда ауқымды жұмыс жүріп жатыр
Жаңалықтар
14.10.2025
Мұражайға саяхат
Спорт
14.10.2025
Кәсіподақтар күніне орай теміржолшылар арасында боулингтен жарыс өтті
Қауіпсіздік
14.10.2025
Теміржолшылар мен құтқарушылар төтенше жағдайға дайындықтарын пысықтады
Әлеумет
14.10.2025
Теміржолшыға шұғыл көкмек қажет
Спорт
14.10.2025
Дәстүрлі турнир жалғасын тапты
Жаңалықтар / Мұрағат
14.10.2025
Қазақстан теміржолшысы газеті, №84-85 14 қазан 2025 жыл
Қауіпсіздік
13.10.2025
Темір жол қателікті кешірмейді