ҚТЖ-да IPO бағдарламасы туралы айтылды
«ҚТЖ» ҰК» АҚ-ның орталық кеңсесінде IPO бағдарламасын іске асыру мәселелері бойынша ақпараттық-түсіндіру кездесуі болып өтті, деп хабарлайды Rail-news.kz.
«Самұрық-Қазына» АҚ, «ҚазМұнайГаз» ҰК» АҚ, «Қазпошта» АҚ, қор биржалары мен брокерлік-дилерлік ұйымдарының өкілдері ҚТЖ және оның еншілес ұйымдары қызметкерлеріне ұлттық компаниялардың акцияларын сатып алу мүмкіндіктері, бағалы қағаздарды сату тетіктері және инвестициялау тәуекелдері туралы егжей-тегжейлі айтып берді.
Қазақстанның кез келген азаматы акцияларды сатып алуға, ірі компаниялардың тең иесі атануға және инвестициялаудан пайда табуға ие бола алады. Қазақстандықтар акцияларды сатып алуға пошта бөлімшелері мен брокерлік-дилерлік ұйымдар арқылы өтінім бере алады.
«Самұрық-Қазына» қорының портфельдік компаниялары арасында IPO-ның бірінші кандидаты «ҚазМұнайГаз» ҰК» АҚ болып табылады. Жетекші мұнай-газ компаниясын жекешелендіру ағымдағы жылы жоспарланған.
Спикерлер кездесуге қатысушылардың сұрақтарына жауап беріп, алаяқтар туралы ескертті және тек ресми ақпарат көздеріне сенуге шақырды.