Отандық зауыт ҚТЖ-мен бірлесіп жаңа өндірісті игеруде
«Қазақстан теміржолшысы» газетінің тілшісі
Railways Systems KZ қауымдастығы қатысушыларының бірі ретінде «Проммашкомплект» зауыты жуырда Берлинде өткен InnoTrans 2022 халықаралық көрмесіне қатысты.
Мұндай маңызды шараға қатысу көлік машинасын құрастыру саласында жұмыс істеп жатқан кәсіпорын үшін өсу көрсеткіші болмақ. Бүгінде көптеген сарапшылар Railways Systems KZ қауымдастығының қазақстандық теміржол машина құрастыру сегментінде жетекші рөл атқаратынын мойындап отыр. Олардың айтуынша, компаниялар өндіріске озық технологияларды пайдаланып, ішкі ғана емес, сыртқы нарықта да бәсекелес болуға қабілеттілік танытуда екен.
«Проммашкомплект» зауыты «ҚТЖ» ҰК» АҚ-мен бірлесіп, өз конструкцияларынан 2-маркалы болаттан жасалған Ø957 қисық сызықты дискісі бар тұтас илектелген доңғалақ өндірісін игерді. Бүгінгі таңда оны патенттеу жұмыстары жүргізілуде.
Қазіргі таңда аталған зауыт жаңа сорттарды игеру жұмыстарын жалғастыруда ГОСТ 10791 бойынша Т маркалы болаттан жасалған Ø 1050 мм локомотивтерге арналған дөңгелектер өндірісін игеру жөніндегі жобаның аяқталуы жақын. Бұл еліміздің ішкі нарығының осы конструкцияның дөңгелектеріне қажеттілігін толық жабуға мүмкіндік береді.
Сондай-ақ, бүгінгі күні келіп түскен тапсырыстарға қатысты үш жаңа сорт белсенді қарастырылып, талқыланып жатыр. Атап айтсақ, олар ГОСТ Р 55498 бойынша М маркалы болаттан жасалған Ø905 мм және Ø1070 мм тұтас илектелген дөңгелек орталықтары; ER9 маркалы болаттан жасалған диаметрі Ø1250 мм локомотив дөңгелегі; EN 13262 талаптарына сәйкес ER7 маркалы болаттан жасалған Ø920 мм диаметрі бар еуропалық теміржолдарға арналған дөңгелектер. Осы сорттардың өндірісін 2023-2024 жылдар аралығында игеру жоспарлануда.