Шуға «Alstom» компаниясы келді
Тараз қаласы бойынша меншікті тілші
Тоғыз жолдың торабына орналасқан Шу станциясында теміржол кәсіпорындары тығыз орналасқан. Енді олардың қатары тағы арта түспек.
Өткен жылы Жамбыл облысына тартылған инвесторлардың қатарында «Alstom» компаниясы келген. Жамбыл облысы әкімдігінің кәсіпкерлік және индустриалды-инновациялық дамыту басқармасының басшысы Аспандияр Сейсебаевтың айтуынша, бүгінгі күні аталмыш компанияға Шу станциясынан, теміржол бойына жақын аумақтан жер телімін беру шаралары қарастырылып жатыр екен. Ал бұл компания болашақта тепловоздарға қызмет көрсетеді. Басқарма басшысы тұрақты қолдау барысында аталмыш компанияға «Бизнестің жол картасы» бойынша инфрақұрылымдарды мемлекет қаражатымен тартып беретіндігін алға тартуда. Демек, амандық болса, ағымдағы жылы шулық тұрғындар үшін жаңа жұмыс орындары ашылып, оның ішінде теміржолшылар кәсібіне сұраныс артады деген сөз. Ал темір тұлпарларға сервистік қызмет көрсетуде тоғыз жолдың торабы Шудың таңдалуы кездейсоқ болмаса керек.