Жаңа типті вагондар қолданысқа енгізіледі
«Қазақстан теміржолшысы» газетінің тілшісі
Былтыр Қазақстанда 12 млн жуық адам теміржол қызметін пайдаланған. Бүгінде сұраныстың артуына орай 2029-2030 жылға дейін 500-ден астам жаңа типті вагондарды қолданысқа енгізу бойынша жұмыстар жүргізіліп жатыр.
Ресми мәлімет бойынша еліміздегі пойыз вагондарының 35 пайыздан астамы 30 жылдан бері қолданыста, шамамен 60 пайыздан астамы орташа деңгейде тозған. Жылжымалы құрамдарға қатысты 300 жолаушылар вагоны, 1500 жүк вагоны жетіспейді және 1000-ға жуық локомотив қажет деген мәлімет айтылады. Биылғы жылы 61, ал келесі жылы 257 вагон сатып алу жоспарланып отыр.
– Вагон сатып алу үшін үкіметтен жыл сайын субсидия бөлінеді. Мысалы, 2021 жылы 14 млрд теңге жұмсалған. Енді вагон ғана емес, локомотивтер алуға да субсидия берілмек, – дейді «Жолаушылар тасымалы» АҚ ресми өкілі Мәди Мұхамедқали.