Елдің мазасын алған жолаушы пойыздан түсірілді
Ақтөбе облысы бойынша меншікті тілші
Ақтөбе аумағында желілік полиция қызметкерлері пойызда жолаушылардың мазасын алып, қоғамдық тәртіпті бұзған жолаушыны түсіріп алды.
Ол Түркістан облысының тұрғыны болып шықты. №28 «Орал-Алматы» жолаушылар пойызының жолаушысы қоғамдық орында алкогольді ішімдік ішіп, қасындағы жолаушылармен сөзге келіп, балағаттаған. Жолсеріктерді де тыңдамаған. Жолаушылар пойызының бастығы акт толтырып, полицияға хабар берген.
Желілік полиция қызметкерлері 28 жастағы тәртіп бұзушыны пойыздан түсіріп алып, жауапқа тартты. Аталған азаматқа қатысты ҚР ӘҚБтК-нің екі бірдей бабы бойынша әкімшілік іс және 440 бабы бойынша және ҚР ӘҚБтК-нің 434 бабы баптары бойынша әкімшілік хаттама толтырылды.
«Іс сотқа жіберіліп, Ақтөбе қаласының әкімшілік құқық бұзушылық жөніндегі мамандандырылған ауданаралық соттың шешімімен 17 мың 250 тенге айыппұл тағайындалды», – дейді Ақтөбе желілік полиция бөлімінің баспасөз қызметі Роза Төлегенқызы.