Қызылордалық теміржолшылар әйелдер қауымын гүл шоқтарымен күтіп алды
Қызылорда облысы бойынша меншікті тілші
Қызылорда белгі беру және байланыс дистанциясының ерлер қауымы бүгін ұжымдағы аруларды таң атпастан бас кеңсе алдында гүл шоқтарымен күтіп алып, Халықаралық әйелдер күні 8 наурыз мерекесімен құттықтады!
Қызылорда ШЧ-39 белгі беру және байланыс дистанциясының басшысы Аман Күбенов бастаған ерлер қауымы қыздардың құшағын гүлге толтырған соң мәжіліс залында концерттік бағдарламамен көтеріңкі көңіл-күй сыйлады.
Дистанцияда қалыптасқан дәстүр бойынша кәсіподақ биылғы қыз-келіншектердің мерекесін де атаусыз қалдырмады. Кәсіподақ төрайымы Ғалия Қожахметова бастаған қызметкерлер ерлермен бірге таңнан бері әйелдер қауымына қызмет етіп, мерекелік шараның жоғары деңгейде өтуіне атсалысты.
Сонымен қатар, СЧ дистанциясы мен кәсіподағы атынан 42 әйелге 8 наурызға арнап бағалы сыйлықтар табысталды.
