Балалар байқауы басталды
«Қазақстан теміржолшысы» газетінің тілшісі
Халықаралық Балаларды қорғау күніне орай ҚТЖ-да компания қызметкерлерінің балалары мен немерелері арасында «ҚТЖ kids» және «Мен болашақ теміржолшымын» байқаулары өтіп жатыр.
«ҚТЖ kids» байқауының ерекшелігі – оған қатысушылар өздері түсірген бейнероликтерін жіберіп, сол бойынша бақ сынайды. Ұйымдастырушылар болашақта режиссер, оператор болуды армандайтын теміржолшылар балаларын осы байқауға қатысуға шақырады. Олар өздерінің идеяларын шағын роликтер арқылы жеткізетін болады.
– «ҚТЖ kids» байқауына қатысу үшін теміржол тақырыбында шағын бейнесюжет түсіру керек. Сөйтіп оны #ҚТЖkids хештегі бойынша әлеуметтік желілерге жариялау қажет, жариялау барысында инстаграмда railways.kz, youngrailwayskz, тик-токта railways.kz аккаунттарын белгілеп өту міндетті. Қай бейнеролик көбірек лайк пен қаралым жинаса, соның жеңімпаз болуға мүмкіндігі зор, – дейді компанияның әлеуметтік саясат департаментінің менеджері Дархан Нұрғали.
Бейнероликті жариялағаннан кейін https://forms.office.com/r/N8LNYGZH3i сілтемесіне өту арқылы анкета толтырылады. Байқау биыл 27 мамырға дейін жалғасады.
Ал «Мен болашақ теміржолшымын» байқауында балалар теміржолға қатысты дүниелер, құрал-жабдықтармен бірге суретке түсіп, соны жолдау арқылы онлайн фотобайқауға қатысады. Фотосуреттерді балалар әлеуметтік саясат департаментіне 19 мамырға дейін жолдауы керек. Бұл шаралардан бөлек Астанада тұратын теміржолшылардың балалары үшін 20 мамырда ҚТЖ бас ғимаратының 37-қабатындағы қысқы бақта фотосессия ұйымдастырылады.