Туған елге саяхат
«Қазақстан теміржолшысы» газетінің тілшісі
«Туған елге саяхат» балалар патриоттық-танымдық пойызының жаңа маусымының басталуына орай 10-15 жас аралығындағы балалардан «Өз өңірімді өркендеткім келеді» тақырыбында шығармалар қазақ және орыс тілдерінде қабылданады.
Бір қатысушы бір туынды ғана жібере алады. Үздік жұмыстарды арнайы құрылған қазылар алқасы анықтайды. «Самұрық-Қазына» АҚ компаниялар тобының атынан «Samruk-Kazyna Trust» әлеуметтік жобаларды дамыту қоры қаржылай қолдаған жоба барысында Қазақстанның түкпір-түкпірінен келген балалар жазғы демалыс уақытында еліміздің көрікті жерлеріне саяхатқа аттанып, бес қаланың туристік аймақтарын аралау мүмкіндігіне ие болады. Бұл үшін «Өз өңірімді өркендеткім келеді» тақырыбында шығарма жазып, оны poezd2023@list.ru электрондық поштасына 10 маусымға дейін жолдау қажет. Толық ақпаратты sk-trust.kz сайтынан және жобаның әлеуметтік желідегі парақшаларынан немесе 8 71 72 604599, 8 775 142 66 82 нөмірлерінен білуге болады.
«Туған елге саяхат» жобасы – 2019 жылға дейін шығарылған туристік пойыз. Ол коронавирус пандемиясына байланысты тоқтап қалған еді. Бұл жоба арқылы Қазақстанның барлық түкпір-түкпірінен келген балалар каникул кезеңінде ұйымдастырушылар айқындаған маршруттар бойынша еліміздің көрікті жерлерін аралай отырып, ел бойынша 9 күндік сапарға аттанады. Жобаға қатысушылар арасында еліміздің шалғай елді мекендерінен келген, үлгерімі жақсы көпбалалы және толық емес отбасылардан шыққан «Самұрық-Қазына» АҚ компаниялар тобының өндірістік кәсіптегі қызметкерлерінің балалары болады. Балалардың тағы бір бөлігі шығармашылық байқаудың нәтижелері бойынша таңдалады. Жол бойында тәлімгерлер мен аниматорлар балаларға ойын-сауық, конкурстар, ағылшын тілі сабақтары, ойындар ұйымдастырады.