Кадр тұрақтылығы байқалады
«Қазақстан теміржолшысы» газетінің тілшісі
«ҚТЖ» ҰК» АҚ қызметкерлерінің әл-ауқатын арттыру, теміржолшыларды әлеуметтік қорғаудың жоғары деңгейін қамтамасыз етуге бағытталған әлеуметтік пакет ауқымы жыл сайын өсіп отырғаны талас тудырмаса керек.
Соңғы үш жыл ішінде Компания қызметкерлерінің еңбек жағдайларын жақсарту және әл-ауқатын жақсарту бағытында ауқымды жұмыс атқарды. Айталық, 2021 жылы қызметкерлердің жалақысы 20%-ға көтерілсе, 2022 жылы қызметкерлердің жалақысы дифференциалды түрде 25-41%-ға өсті.
Жалпы, «ҚТЖ» ҰК» АҚ табиғи монополия субъектісі болып табылады, сол себепті оның кірісі уәкілетті мемлекеттік орган бекіткен реттелетін тарифтер есебінен түзіледі. Және де «Табиғи монополиялар туралы» Қазақстан Республикасының Заңына сәйкес монополист үшін тарифтер 5 жыл мерзімге бір рет бекітіледі. Мәселен, 2023 жылға арналған тарифте жұмысшылардың жалақысын 4 пайызға көтеру көзделген. Алайда, 2023 жылдың 1 қаңтарынан бастап Компания қызметкерлердің жалақысын 5 пайызға көтерді. Ал ағымдағы жылдың 1 наурызынан бастап компания өндірістік қызметкерлердің жалақысын қосымша 15%-ға көтерді. Осылайша, қабылданған іс-шаралардың нәтижесінде компания қызметкерлерінің кірісі 2023 жылы орта есеппен 20%-ға өсті.
Сонымен қатар, медициналық сақтандыру, шағын және шалғай станция қызметкерлерін тұрғын үймен қамтамасыз ету, жәрдемақылар мен материалдық көмектерді төлеу сияқты әлеуметтік қорғау шараларының нәтижесінде теміржолда кадрлар тұрақтылығы байқалып, теміржолшылардың еңбек жағдайларына қанағаттану деңгейі өскен.