Тараз станциясының ұжымы «Үздік білім» байқауында екінші орын иеленді

Жаңалықтар
25.08.2023, 10:17
Суретті түсірген автор
Ерман Әбдиев

Тараз қаласы бойынша меншікті тілші

Өткен жылы өнертапқыштық жобасын бес адам қорғаған Тараз станциясының ұжымы жыл соңында «Нөлдік жарақатқа қол жеткізу үшін үздік рационализаторлық ұсыныс» аталымында үздік шыққан болатын. Станциялықтар осы жылы да табыстан кенде емес.

Жақында өткен «Үздік білім» байқауында станция қызметкерлерінен жасақталған команда екінші орынды иеленді.  

Кластан тыс станцияның теміржолшылары шығысында Шуға дейін – 232 км, батысында Арысқа дейін – 260 км, солтүстігінде Жаңатасқа дейін 180 км жол аралығында бес паркті қамтамасыз етіп отыр. 5 паркте 30 шақты жол тармағы бар. Ал облыс орталығында станцияның қызмет көрсететін аумағы 5,5 шақырым. Бүгінгі күнге дейін тәулігіне 8 вагон жүк артуды және 20 вагон жүк түсіруді қамтамасыз етіп отыр. Сондай-ақ станция бойынан Шымкент – Шу, Шу – Шымкент бағытында тәулігіне 40 жұп жүк және 16 жұп жолаушылар пойызы өтеді.  

– Станция арқылы жөнелтілетін жүк негізінен көкөніс, металл және гипс өнімдері. «ГРЭС» АҚ және гипс өнімдерін өндіретін «Алина Груп» ЖШС-мен де тығыз жұмыс жасаймыз. Станция Тараз вокзалына жақын орналасқандықтан басты мақсатымыз – қауіпсіздіктің алдын алу. Өйткені жаяу жүргіншілер вокзал маңындағы жаяу жүргіншілерге арналған көпірге баруға ерініп, станция жанындағы жолаушылар өткелінен өтеді. Облыс орталығындағы «за линия» аталып кеткен аумақта бүгінгі күні 50 мыңнан астам тұрғын бар. Соны ескерсек, бұл – қырағылықты аса қажет ететін шаруа. Оның үстіне жақында оқу жылы басталады. Соған орай жол маңына жақын орналасқан мектептер мен әлеуметтік мекемелерде болып, қауіпсіздік шаралары жайында жиі жиын өткіземіз. Қазір жүк көлемі артып келеді. Жаяу жүргіншілердің қауіпсіздігін қамтамасыз ету мақсатында Тараз желілік полиция бөлімінің қызметкерлерімен қоян-қолтық жұмыс жүргізудеміз. Өткелінде тәулік бойы кезекшілік ұйымдастыруды да қолға алдық, – дейді Тараз станциясы бастығының міндетін атқарушы Нұрлан Құлсариев.  

Есепті мерзімде станцияда вагон құрастыру кезінде бір вагон жолдан шығып кеткен. Алайда, адам шығыны жоқ. Дегенмен, техникалық қауіпсіздік және еңбекті қорғауда кәсіподақ ұйымымен бірлесіп бірқатар жұмыстар атқарылуда. Жақында ғана кәсіподақ ұйымының көмегімен жұмыс орнын жоғары деңгейде ұйымдастыру мақсатында жұмысшыларға тұрмыстық техникалар алынып берілген. Техсабақтар қызметкерлердің жұмыс ауысымына орай айына екі рет – бейсенбі және жұма күндері өткізіледі. Алайда станция басшысы кей мәселелерге алаңдаулы. Ол – болат жолдың бойындағы тал-дарақтарды күтіп-баптау және тазалық мәселесі. Станция территориясындағы теміржол мекемелерімен бекітілген аумақтарда тұрақты түрде тазалық жұмыстарын жүргізу, бөтен заттардан тазалау, көктемде тал-дарақтарды қопсытса, күзде қураған бұталарды кесу және қыс айларында қардан тазалау сынды кезек күттірмейтін маусымдық жұмыстар да теміржолшылар мойнында. Сондықтан күзгі комиссиялық байқауға дайындық барысында осы жұмыстарды қолға алып отыр.  

 

Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі
Темір жол тарихы
06.05.2025
Ешкім де, ештеңе де ұмытылмайды