Ұйымда – жаңа төраға

«AMANAT» партиясының «Маңғыстау темір жолы» бастауыш партия ұйымының төрағасы өзгерді. Ұйымның кезекті есеп-беру, сайлау жиналысында жаңа төраға сайланды.

Бастауыш партия ұйымының есеп-беру, сайлау жиналысының отырысы «AMANAT» партиясы Мұнайлы аудандық филиалы төрағасының, аудандық мәслихат депутаттарының, партия мүшелерінің қатысуымен өтті.  

БПҰ бұрынғы төрағасы Болат Дүйсәлиев осыған дейін, яғни есепті кезең, 2021-2022 жылдары бастауыш партия ұйымының атқарған жұмыстары туралы баяндады. Ол өз сөзінде Бастауыш партия ұйымында «Бақытты балалық шақ», «Жемқорлықсыз гүлденген ел», «Жастар – Отанға», «Бақытты отбасы – бақытты балалық шақ», «Ардагерлерді ардақтайық», «Ұлы дала елі», «Сәтті қадам», «Кедергісіз келешек», «Мектепке жол» жобалары іске асырылғандығын атап өтті. Оған қоса қайырымдылық іс-шаралары мен «Темекіге жол жоқ», «Билетсіз жолаушы» деген сияқты акциялар туралы да тілге тиек етті. Бұдан кейін бастауыш партия ұйымының төрағасын, төрағаның орынбасарын, бюро мүшелерін қайта сайлауға кезек берілді. «Маңғыстау теміржолы» БПҰ төрағалығына Қарақат Жақанов, БПҰ төрағасының орынбасарлығына Зауре Қосымбаева ұсынылып, тағайындалды.