«ҚТЖ» ҰК» АҚ Шэньчжэньде өткен CILF 2023 халықаралық көліктік-логистикалық көрмесіне қатысты
2023 жылғы 21-23 қыркүйекте «ҚТЖ» ҰК» АҚ Шэньчжэнь қаласындағы (Қытай) China International Logistics Fair (Cilf) халықаралық көліктік-логистикалық көрмесіне қатысты.
CILF көрмесі 15 жыл бойы өткізіліп келеді. Биыл ол өз алаңында 50 астам елден 140 мыңнан астам көлік-логика саласының сарапшыларын, 1800 стендтер мен экспонаттарды біріктірді.
Іс-шара әлемдік нарықтағы қарқынды бәсекелестік жағдайында халықаралық көлік жүйесі мен логистиканы дамытудың өзекті мәселелерін талқылау үшін көлік-логистика индустриясының мүмкіндіктерін көрсету, серіктестермен және клиенттермен кездесулер үшін маңызды және тиімді алаң болып табылады.
Көрме аясында халықаралық форум өтіп, онда «ҚТЖ» ҰК» АҚ Басқарма төрағасының логистика жөніндегі орынбасары Ерлан Қойшыбаев Қазақстанның көлік саясатын дамытудың басым бағыттарын, транзиттік, экспорттық әлеуетті және инфрақұрылымдық қуаттарды (темір жолдарды жаңғырту, терминалдық инфрақұрылымды, сондай-ақ контейнерлік және сауда хабтарын дамыту) кеңейту жөніндегі елде жүргізіліп жатқан іс-шараларды жан-жақты атап өтті.
Сонымен қатар, көрме аясында Қытайдың ірі логистикалық платформаларымен бірқатар кездесулер өткізіліп, ағымдағы тасымалдар және ынтымақтастық пен бірлескен жобаларды дамыту бойынша перспективалық жоспарлар талқыланды.