Азаматтық қоғамды дамыту сөз болды
«Қазақстан теміржолшысы» газетінің тілшісі
Азаматтық қоғамды перспективалық дамытуға және олардың құқықтық мемлекет құруға қатысуына елімізде қашан да қолдау білдіріледі. Астана «Құқықтық мемлекет құру үшін билік пен қоғамның серіктестігі" деген тақырыпта өткен ХІ азаматтық форумға «ҚТЖ» ҰК» АҚ өкілдері де қатысты.
Форум пленарлық бөлім мен 3 тақырыптық блоктан тұрды. Атап айтқанда, «Халық үніне құлақ асатын мемлекет: серпіліс нүктелері», «Тұрақты ҮЕҰ – елорданың әлеуметтік-экономикалық дамуына қосқан үлесі» және «Әйелдер мен жастар. Әлем. Қауіпсіздік» атты сессия отырыстарында азаматтық қоғамды дамытудағы түйткілді мәселелер көтерілді. Оған қатысқан «ҚТЖ» ҰК» АҚ бизнесті трансформациялау орталығының өзгерістерді басқару департаментінің директоры Ботагөз Қажағұлова тақырып аясында арнайы баяндама жасады. Ол сессия барысында Азаматтық қоғамды дамытуда мемлекеттік құрылымдар сервисінде цифрлық шешімдерді пайдалану сыбайлас жемқорлықпен күреспен байланысты жұмыстардың маңызы зор екенін жеткізді. Осы ретте ұлттық компанияда жүргізіліп жатқан жұмыстардың, цифрландыру бойынша іс-шаралардың, жаңашылдықтардың халық пен билік арасындағы серіктестікті дамытуда септігі тиіп отырғанын айтты.