ҚТЖ әлеуметтік маңызы бар азық-түлік тауарларын жеткізуді реттейді
«ҚТЖ-Жүк тасымалы» ЖШС-да ел ішінде әлеуметтік маңызы бар азық-түлік тауарларын (астық, ұнтақ өнімдері, қант, май, көкөністер және т.б.) жеткізуді жедел реттеу бойынша кезекті селекторлық кеңес болып өтті.
Оған ауыл шаруашылығы министрлігінің өкілдері, әкімдіктер, салалық қауымдастықтар, өңірлердің ұн тарту операторлары қатысты.
Кеңеске қатысушылар ішкі нарықты автомобиль және темір жол көліктерімен жеткізілетін азық-түлік тауарларының қажетті көлемімен қамтамасыз ету бойынша кешенді шаралар қабылданып жатқанын атап өтті.
Қазіргі уақытта өнімдерді темір жол көлігімен жеткізуде проблемалар жоқ. Жүк жөнелтушілердің азық-түлік тауарларын темір жолмен тасымалдаудың барлық өтінімдері жедел және толық көлемде өнделуде. Бос вагондарды қамтамасыз ету мәселелері жоқ, сонымен қатар Қостанай станциясында жылжымалы құрамның профициті байқалуда.
Мұндай кездесулерде қолмен реттеу режимінде жүкті тиеу және қабылдау бойынша күнделікті салыстыру жүргізіледі, вагондардың ілгерілеуіне бақылау жасалады, туындаған мәселелер жедел шешіледі.