Қазақстан Шанхайдағы ірі көрмеде транзиттік мүмкіндіктерді таныстырды
![](https://rail-news.kz/uploads/2023/11/15/vAZnApElXdqheWwKMhuZR7Yfu6hTfF2b6J4hxy4M.jpg)
Қазақстан Шанхайдағы 6-шы Қытай халықаралық импорттық көрмесінде (China International Import Expo) келушілерге өзінің логистикалық, инвестициялық, сауда және өнеркәсіптік мүмкіндіктерін таныстырды.
Қазақстан Премьер-Министрі Әлихан Смайылов бастаған делегация құрамында еліміз стендінің тұсаукесеріне «ҚТЖ» ҰК» АҚ өкілдері қатысты.
Қазақстан халықаралық маңызы бар көлік-логистикалық торапқа айналуға ұмтылатыны атап өтілді. 2014 жылдан бастап Ляньюньган портында қытайлық серіктестермен бірлесіп құрылған логистикалық терминал жұмыс істейді.
Осы көктемде Сиань Құрғақ портында қазақстандық терминалдың құрылысы басталды. Жоспарлануда: 1300 км жаңа темір жолдарын салу; Қытаймен шекарада 3-ші теміржол өткізу пунктін ашу; «Бақты» және «Қалжат» жаңа құрғақ порттарын салу.
Қазақстанда Еуропа мен Таяу Шығыс бағытында жүктерді тасымалдау үшін қолайлы жағдайлар жасалуда.
![](https://rail-news.kz/uploads/attachments/whatsapp-image-2023-11-15-at-120348-65545f64a2a9b.jpg)