Қазақстан мен Әзірбайжан президенттері ТХКБ дамуының маңыздылығын атап өтті

Мемлекет басшысы Қ.Тоқаев Бакуде БҰҰ-ның Орталық Азия елдерінің экономикаларына арналған арнайы бағдарламасы (СПЕКА) Саммиті шеңберінде өткен Әзербайжан президенті И. Әлиевпен екіжақты кездесудегі сөзінде ТХКБ-ны дамыту бойынша бірлескен жұмысты жандандырудың маңыздылығын атап өтті.

Кездесу барысында мемлекет басшылары Транскаспий халықаралық көлік бағдарын дамыту, сондай-ақ энергетика, жаңартылатын энергия көздері және басқа да салалардағы перспективалы жобаларды іске асыру сияқты маңызды бағыттар бойынша бірлескен жұмысты жандандыру мүмкіндіктерін талқылады.

ТХКБ-ны дамыту шеңберінде бірлескен жұмыс жыл сайын белсенді жүргізілуде. Қазан айында Тблисиде (Грузия) «Қазақстан темір жолы» ҰК» АҚ, «Грузин темір жолы» АҚ және «Әзірбайжан темір жолдары» ЖАҚ бірлескен кәсіпорнын құру туралы шартқа қол қойылды.  

«Қазақстан темір жолы» ҰК» АҚ, «Грузин темір жолы» АҚ және «Әзірбайжан темір жолдары» ЖАҚ қазан айында Тблисиде өткен «Silk Road» форумы кезінде жаңа компания құру туралы шартқа қол қойды.

«Middle Corridor Multimodal» бірлескен кәсіпорны шеңберінде тараптар мультимодальды сервисті дамыту және маршрутта қолайлы тарифтік жағдайлар жасау жөнінде келісілген саясат жүргізетін болады. Жаңа компания бір терезе қағидаты бойынша қызмет көрсетуге және жүктерді жеткізуде кепілдік мерзіміне мүмкіндік береді.

Биыл Транскаспий халықаралық көлік бағдарына 10 жыл толды. Осы уақыт ішінде маршруттың географиясы кеңейіп, қатысушы елдер саны 3-тен 11-ге дейін өсті, маршруттың ұзындығы 4-тен 11 мың км-ге дейін ұлғайды.Жалпы алғанда, ТХКБ бағыты бойынша тасымалданған жүктер көлемі 14,9 млн. тоннаны құрады, оның ішінде 159,2 мың ЖФЭ.