Кадрлар таунхоллда бас қосты

Жаңалықтар
08.12.2023, 10:02
Суретті түсірген Александр Жабчук
Сұлугүл Бакесова

«Қазақстан теміржолшысы» газетінің тілшісі

Сәрсенбі күні «ҚТЖ» ҰК» АҚ-ның кадр жетекшілері бас қосқан жиын Таунхолл форматында өтті. Дәстүрлі жиындардан ерекше басқосуда «ҚТЖ» ҰК» АҚ-ның 2024-2028 жылдарға арналған кадрлық саясаты» көпшілікке ұғыныңқы және мотивациялық тілмен түсіндірілді.

Таунхоллға «ҚТЖ» ҰК» АҚ Директорлар кеңесінің тәуелсіз мүшесі, Тағайындаулар және сыйақылар жөніндегі комитетінің төрағасы Джон Йэн Маккей қатысып, көпті көрген білікті маманның кадр мамандарымен еркін сөйлесіп, пікір алмасуы жиынды тіпті әсерлі етті.  

Алдымен Таунхолл деген не дейтін болсақ, жалпақ тілмен түсіндірсек, бұл кеңседен тыс еркін форматта өтетін жиын түрі. Таунхолл аясында адамдар бизнес процестерінің бағытын, аяқ алысын, болашағын, кемшін тұстарын ресми емес алаңда сараптауға, өздерін толғандырған сұрақтарға жауап іздеу мүмкіндігі бар.  

«ESG рейтингін арттыру, ҚТЖ-ның 2032 жылға дейінгі даму стратегиясын жаңарту шеңберінде, сондай-ақ Жалғыз акционердің тапсырмаларын орындау мақсатында ҚТЖ-ның 2024-2028 жылдарға арналған кадр саясаты бекітілді. Кадр саясатын жаңарту үшін орталық аппарат басшыларының және ҚТЖ филиалдары мен еншілес ұйымдарындағы адам ресурстарын басқару процестеріне жауапты қызметкерлердің қатысуымен стратегиялық сессиялар өткізілді. Бұл стратегиялық сессиялар ESG және IR тәжірибесін ескере отырып, Кадр саясатының бағытын айқындау мен негізін құрайтын ортақ мақсаттар мен бастамаларды әзірлеуге мүмкіндік берді», – деп атап өтті «ҚТЖ» ҰК» АҚ Аппарат жетекшісі Серік Кеулімжаев.  

Ал Йэн Маккей бүгінгі кездесудің ресми түрде емес, осындай ашық диалог алаңы ретінде өтуін былай деп түсіндірді.  

– Бүгін біз басқосуға адам ресурстарын басқаратын саланың басшыларын жинадық. Қазір Ұлттық компанияда алдағы төрт жылда іске асырылатын кадр саясаты әзірленіп жатыр. Компания бәсекелестік ортада дамуы, алға жылжуы қажет. Іс тетігін кадрлар шешеді демекші, Компанияның табысты жұмыс істеуі бірінші кезекте кадрларына тікелей байланысты. Сондықтан біз бүгінгі кездесуде кадр басшыларынан нені қалайды, қандай сұраныс, ұсыныстары бар, соны білу үшін және келешекке бір арнада қадам басу үшін таунхолл ұйымдастырдық, – деді «ҚТЖ» ҰК» АҚ Директорлар кеңесінің тәуелсіз мүшесі.  

Таунхолл барысында «ҚТЖ» ҰК» АҚ Адам ресурстарын басқару департаментінің мамандарымен кадр саясатының маңызды бағыттары слайдтарға шолу жасала отырып, түсіндірілді. Атап айтсақ, бірінші бағыт Компания құндылықтары мен қызметкерлердің қажеттіліктерін ескере отырып, ESG тәжірибесін дамытуға бағытталған корпоративтік мәдениетті құру және қолдауға арналса; екіншісі жоғары білікті мамандарды тартуға, дамытуға және сақтауға, сондай-ақ қызметкерлердің қанағаттану және уәждеме деңгейін арттыру үшін жағдай жасауға бағытталған дарындылықты басқару және қызметкерлердің әл- ауқаты бағдарламаларын әзірлеу және енгізуге; үшіншісі, адам ресурстарын басқару процестерін оңтайландыру және қабылданған шешімдердің сапасын арттыру үшін цифрлық технологиялар мен HR-аналитиканы енгізуге; ал төртіншісі Компанияның даму стратегиясын қолдауға және операциялық тиімділікті арттыруға бағытталған HR іскерлік серіктестіктерді және HR функцияларын дамытуға негізделген.

Компанияның Адами ресурстарды басқару департаментінің директоры Сәуле Истлеева, Кадр саясаты адам капиталының құнын арттыруға, қолайлы жағдайлар жасауға және еңбек нарығының бәсекеге қабілеттілігі мен тұрақтылығын қамтамасыз етуге бағытталғанын атап өтті.

– Жаңартылған кадрлық саясатқа арналған Townhall бизнес қажеттіліктеріне негізделген, ол бізге бизнес мәселелерін тыңдауға және шешуге көмектеседі. Осы ретте, біз HR-дің жинақы болуына, алда үлкен сын-қатерлер күтіп тұрғанын түсініп сезінулеріне және оларды сауатты шешіп, көптеген құзыреттіліктерді қайта қарастыратындарына басымдық береміз. Осылайша, кадрлар біздің компанияны ірі көліктік-логистикалық холдингке айналдыруға көмектесетін өзгерістер драйвері бола бастайды, – дейді Сәуле Истлеева.  

Оның айтуынша, жаңа кадр саясатын құрастыру барысында бенчмаркинг жүргізіліп, халықаралық компаниялардың жақсы тәжірибелері салыстырылып қаралған. Тіпті ұлттық компанияның басты бәсекелес компанияларымен, оның ішінде Ресей темір жолының тәжірибелері де назарға алынған. Осылайша, Қазақстан үшін ең тиімдісі таңдап алынып, ҚТЖ-ның кадр саясатына бейімделіп жасалған. Қорыта келсек, кадрлық саясаттың жүктелген міндеттерін іске асыру процестердің оңтайлы тепе-теңдігін қамтамасыз етіп, сандық және сапалық құрамды жаңарту арқылы бизнестің қажеттіліктері өтелмек.

Трансформация
11.04.2025
Ескірген құрылғылар жаңартылып жатыр
Әлеумет
11.04.2025
ҚТЖ-да донор күні өтті
Қауіпсіздік
11.04.2025
Әскери күзеттің әлеуеті зор
Станция тынысы
11.04.2025
Жылғаның жауапкершілік жүгі ауыр
Жаңалықтар / Мұрағат
11.04.2025
Қазақстан теміржолшысы газеті, №27 11 сәуір 2025 жыл
Жаңалықтар
10.04.2025
ҚТЖ Қарағанды облысында дизель отынының ұрланғанын анықтады
Қауіпсіздік
10.04.2025
Темір жолда келеңсіз жайттар жиілеп кеткен
Жаңалықтар
10.04.2025
Мемлекет басшысы Көлік министрін қабылдады
Аймақтар
10.04.2025
Теміржолшылар «Таза Қазақстан» акциясына қатысуда
Аймақтар
10.04.2025
Абаттандыру айлығы басталды
Жүк тасымалы
10.04.2025
Былтырғы жылыту маусымында 67 млн тоннадан астам көмір тасымалданды
Аймақтар
10.04.2025
Тараз көліктегі оқу орталығында ашық есік күні өтті
Әлемде
10.04.2025
Қытайда алғаш рет үй жануарларын жоғары жылдамдықты пойыздармен тасымалдауға рұқсат берілді
Жүк тасымалы
10.04.2025
Қазақстан транзиттік әлеуетін арттыруда
Аймақтар
09.04.2025
Шынайы алғыс пен құрмет
Жаңалықтар
09.04.2025
"Жолдың кәсібиі" Корпоративтік даму бағдарламасы
Жолаушылар тасымалы
09.04.2025
«Stadler Қазақстан» зауытында жаңа үлгідегі вагондар өндірісі іске қосылды
Инфрақұрылым
09.04.2025
Елімізде 125 теміржол вокзалын ауқымды жаңғырту жұмыстары басталды – премьер-министр
Темір жол тарихы
08.04.2025
Ұлы Отан соғысы жылдарындағы теміржолшылардың ерлігі
Жаңалықтар
08.04.2025
ҚТЖ басшылығы Алматыдағы инфрақұрылым құрылысының барысымен танысты