Алғашқы тоқсан қорытындыланды

Жаңалықтар

19.05.2017, 12:12

ҚР Премьер министрінің бірінші орынбасары, «ҚТЖ» ҰК» АҚ Директорлар кеңесінің төрағасы Асқар Мамин Компания директорлар кеңесінің кезекті отырысын өткізді. Отырыста 2017 жылғы бірінші тоқсандағы жоспардың орындалуы, «ҚТЖ» ҰК» АҚ 2017-2021 жылдары даму жоспарының орындалуы, Компаниядағы ірі инвестициялық жобаларды жүзеге асыру, Бизнесті трансформациялау бағдарламасының қазіргі кездегі мәртебесі туралы ақпараттар тыңдалды. Есепті отырыста айтылғандай, биылғы жылдың бірінші тоқсанындағы экспорт пен импорт көлемінің өсуіне байланысты республикаішілік бағдарлардағы жүк айналымы шамамен 50 млрд.ткм құрады. Бұл өткен жылдың сәйкес, мерзімімен салыстырғанда көрсеткіштің 14,3% артқандығын көрсетеді. Тасымалдау көлемінің 10 пайызға ұлғаюына байланысты өткен жылмен салыстырғанда 11 % өсті. Компанияның алғашқы тоқсандағы шоғырландырылған таза кірісі 26 млрд. теңге құрады. EBITDA көрсеткіші 38,8 млрд.теңге құрады. Бұл жоспарлы көрсеткіштен 1,4%, ал 2016 жылғы сәйкес мерзіммен салыстырғанда 8,1 млрд.теңгеге жоғары. «ҚТЖ» ҰК» АҚ Бизнесті трансформациялаудың Жол картасын жүзеге асырудың аясында техникалық қызмет көрсетудің жаңа моделін өндіріске енгізу, жылжымалы құрамды жөндеу және теміржол инфрақұрылымын жақсарту бойынша 5 бақылау нүктелерінің жұмысы аяқталды. Отырыста Тәуекелдіктерді басқару жүйесін жетілдіру шараларының жоспары, Корпоративтік тұрғын үй бөлудің Ережесі, «ҚТЖ-Жүк тасымалы» АҚ Жарғысына толықтырулар бекітілді.

Алғашқы тоқсан қорытындыланды

Басқа да жаңалықтар

«Қазақстан теміржолшысы» газеті, №99 22 қараша 2024 жыл