Қауіп... қараусыз малдан

Жаңалықтар
23.05.2017, 11:49
Өткен төрт ай ішінде Сексеуіл жол дистанциясына қарасты телім бойында  машинистері 25 мәрте жедел тежегіш басуға мәжбүр болған. Оның бәріне   қараусыз малдың жол үстіне шығып кетуі себеп болған. Дистанция жолшыларының жергілікті тұрғындармен теміржолдың қауіп-қатері жайлы түсіндіру мақсатында өткізген рейд, тексеру, бақылау, жұмыстарынан нәтижелі шықпай отыр.  «ҚТЖ» ҰК» АҚ  басшылығының шешімімен №59 Сексеуіл жол дистанциясы филиалы өткен жылы бөлімшенің солтүстігіндегі Сексеуіл – Қоскөл жаңа телімі пайдалануға берілуіне байланысты жаңадан ашылды. Дистанцияны осы телімнің салынуына бір кісідей еңбегі сіңген Құрметті теміржолшы Мәжит Құрманбаев басқарып отыр.  Телім пайдалануға берілген уақыттан бері «Қызылорда – Жезказған» жолаушылар пойызы, «Сексеуіл – Қоскөл – Жезқазған» қала маңы пойыздары телім бойында 70 шақырым сағат жылдамдықпен жүріп екі облыс арасын жалғаса, жүк пойыздары 60шақырым сағат жылдамдықпен жүруде. Бұл дегеніміз телімдегі пойыздардың қауіпсіздігін, бір қалыпты жүрісін ұдайы бақылап,  қырағылықты күшейтуді  қажет етеді. Бірақ, жоғарыда сөз болғандай, қараусыз жайылған  жекеменшіктің  малдары теміржолға шығып кетіп, жолаушы мен жүк пойыздардың жүріс қозғалысын тоқтатуына және пойыздардың жолдан шығып кетуіне айтарлықтай қауіп төндіруде. –Дистанция ұжымы өз тарапымыздан жылжымалы құрамдардың қозғалыс қауіпсіздігінің сақталуына қауіп төндіретін жағдайлардың алдын алу мақсатында жергілікті тұрғындарды мал жаю ережелерімен таныстырып, қадағалаусыз малдардың жолға шығуын болдырмау үшін жол қараушылардың жұмысын күшейттік. Бірақ, осыған қарамастан Сексеуіл, Шижаға, Абай елдімекен тұрғындарының, жеке қожалықтардың малдары, түйе, сиыр, жылқысы бар,  жаз басталысымен темір жол бойын жағалап жайылып жүреді. Өкінішке орай, тұрғындармен теміржол маңында мал жаю ережелерімен түсіндіру, айыппұл салуды ескерту рейдтері әсер етпеуде, – дейді Сексеуіл жол дистанциясының инженері Б. Төлегенов. Осындай келеңсіздіктердің салдарынан жалпы қозғалыс ырғағы бекітілген кесте бұзылып, тасымалданатын жүк және жолаушылар пойызы баратын жеріне уақытында бара алмауда. Жол күтімімен қатар жол қозғалысы қауіпсіздігін сақтау жолында тер төгіп жатқан жолшыларға Сексеуіл және  Қарағанды локомотив пайдалану деполарынан жолдағы малға байланысты шұғыл тежегіш беріп, тоқтағандары жөнінде жеделхаттар келуі жиілеген. Тепловоз машинистерінің жедел тежегіш басу жағдайларын азайту мақсатында және жергілікті тұрғындарға түсіндіру мақсатында дистанция ұжымы жыл басынан бері 8 мәрте рейд ұйымдастырып 812 тұрғынмен, білім ошағында 757 оқушымен және 801 жүргізушімен түсіндіру жұмысын өткізген. Темір жол өткелдерінде ай сайын екі рет рейд ұйымдастырылуда. Пойыздың малды басып кетуінен немесе жолдан шығып кетуі салдарының материалдық шығыны, локомотивтер мен вагондар зақымданса, жол үстіндегі құрамның жүрісіне кедергі келтіргені  үшін тұрғындарға ҚР «Әкімшіліктік құқық бұзушылық» туралы Кодексінің 559-бабы 1-тармағына сәйкес 5 айлық есептік көрсеткіш көлемінде айыппұл салынатыны арнайы жүргізілетін рейд барысында егжей-тегжейлі түсіндірілуде. Алайда тұрғындар тарапынан өз малына иелік жасау әрекеттерінен еш нәтиже жоқ көрінеді. 

Сабырхан СЕЙІЛБЕКҰЛЫ, Сексеуіл

Жаңалықтар
09.07.2025
«ИННОПРОМ–2025» халықаралық көрмесінде ЗИКСТО-ның болашағы талқыланды
Жолаушылар тасымалы
09.07.2025
ҚТЖ «Jibek Joly 5.0» туристік пойызының жаңа маусымын іске қосады
Жаңалықтар
09.07.2025
Кірме жолдардағы қозғалыс қауіпсіздігіне бақылау күшейтілді
Жаңалықтар
09.07.2025
ҚТЖ мен Қытай темір жолдары стратегиялық ынтымақтастық туралы жаңа келісімге қол қойды
Қауіпсіздік
09.07.2025
Жамбыл өңірінде пойыз қозғалысы қауіпсіздігіне қатысты 8 заңбұзушылық анықталды
Әлемде
09.07.2025
Иран мен Ауғанстан Хаф – Герат теміржол жобасын тез арада аяқтауға ниетті
Жаңалықтар
08.07.2025
ҚТЖ басшылығы Бейжіңде өткен ХТЖО-ның XII конгресінде бірқатар стратегиялық кездесулер өткізді
Қауіпсіздік
08.07.2025
Қарағанды – Ағадыр бағытында машинист шұғыл тежегіш қолдануға мәжбүр болды
Аймақтар
08.07.2025
Бейнеудегі машинистердің демалыс үйі жаңа кейіпке енді
Әлемде
08.07.2025
Әзірбайжан темір жолдары жазғы кестеге көшеді
Әлемде
08.07.2025
Тәжікстан Қытай–Қырғызстан–Өзбекстан теміржолы жобасына қосылғысы келеді
Әлемде
08.07.2025
Қытайда панда бейнесіндегі монорельс пойызы таныстырылды
Жолаушылар тасымалы
07.07.2025
ҚТЖ Алматы-Саратов бағытына жаңа вагондар шығарды
Жаңалықтар
06.07.2025
КТЖ басшылығы «Нұрлы жол» вокзал кешенінің жұмысымен танысты
Жаңалықтар
04.07.2025
ҚТЖ жол жөндеу техникасын жаңартуда
Жүк тасымалы
04.07.2025
Жаңа маусымға – жаңа вагондармен
Аймақтар
04.07.2025
Депутаттар контейнерлік аэрохаб жұмысымен танысты
Аймақтар
04.07.2025
Абай әлеміне саяхат
Цифрландыру
04.07.2025
Цифрлық технология: Зияткерлік білім сайысы
Аймақтар
04.07.2025
Құлсары дистанциясында жол жөндеу қарқын алды