Павлодар конструкторлық-сынама орталығында 13 мыңнан астам жол құралдары дайындалды
«ҚТЖ» ҰК» АҚ Магистральдық желі дирекциясының Павлодар конструкторлық-сынама орталығы 2023 жылы 13 358 жол құралын дайындады, деп хабарлайды Rail-news.kz.
– Біздің мамандар жол монтерлерінің жұмысына қажетті құралдарды шығарады. Атап айтқанда, лом, балғалар, кілттердің әр түрлері, қапсырмалар. Сондай-ақ, қызметкерлеріміздің күшімен шағын механикаландыру құралдарын, домкраттарды, рихтовщиктерді, порталдық крандарды жөндеу жұмыстары жүргізілуде, - дейді конструкторлық-сынама орталығының бастығы Мұрат Мәкімов.
Болашақта шығарылатын құралдар мен жөнделетін механикаландыру құралдарының тізбесін ұлғайту және сапасын арттыру үшін қосымша станоктық жабдықтар сатып алу жоспарлануда.
ҚТЖ жол және құрылыс департаментінің бас менеджері Қанат Базыловтың айтуынша, конструкторлық-сынама орталығы жыл сайын өз әлеуетін арттыруда.
– Өндірілген өнім қауіпсіз және сапалы, мамандардың жұмысына күмәнданудың қажеті жоқ. Бұл кәсіпорынның жемісті дамуының барлық алғышарттары бар: жоғары білікті мамандар, материалдық база, ең бастысы – сауатты басқарушылық және кәсіби тәсіл, – деп атап өтті Қанат Базылов.
Ол КСО мамандары энергетика, белгі беру және байланыс қызметтері үшін де өнім шығаруға дайын екенін айтты.
2024 жылы 15 мыңнан астам жол құралдарын жасап, 400-ден астам шағын механикаландыру бірлігін жөндеу жоспарлануда.