«Денсаулық» медициналық пойызы сәуір айынан бастап жолға шығады

Елімізде сәуір айында арнайы медициналық пойыз шалғай елдімекендерге барады, деп хабарлайды Rail-news.kz сайты BAQ.KZ порталына сілтеме жасап.

Бұл туралы Денсаулық сақтау министрі Ақмарал Әлназарова айтты.

«Биыл пойыз 1 сәуірден бастап жүретін болады. Тиісті келісім бар, бюджет құйылған. Қазір пойыздың жүру кестесі әзірленіп жатыр», - деді министр.

Ведомство басшысының сөзінше, барлық жұмыс жоспар бойынша жасалады.

Министр "Денсаулық" медициналық пойызының жүру уақытын сұраған тілшілерге ұсынысты назарға алатындығын айтты.

«Пойыз жыл 12 айдың 8-інде жұмыс істейді. Бұл ұсынысты ескереміз», - деп жалғастырды Ақмарал Әлназарова.