ҚТЖ ынтымақтастық туралы үшжақты меморандумға қол қойды

«Қазақстан темір жолы» ҰК» АҚ, Xi ' an Free Trade Port Construction and Operation Co., LTD (ҚХР) және «Славтранс-Сервис» акционерлік қоғамы (РФ) ынтымақтастық туралы үшжақты меморандумға қол қойды.

Тараптар Қытай-Қазақстан-Ресей импорттық-экспорттық экономикалық және сауда ынтымақтастығын одан әрі ілгерілету және тереңдету үшін «Селятино» (РФ) КЛО-да жаңа көлік-қойма базасын құруға бірлесіп инвестициялау мүмкіндігін қарастыруда.

Сондай-ақ, тараптар халықаралық логистикалық дәлізді нығайту үшін Сиань-Алашаңқай/Қорғас-Селятино желілік тасымалдарын бірлесіп дамытатын болады.

Тараптар жаңа меморандум жоғары сапалы логистикалық шешімдерді қамтамасыз етудегі маңызды қадам болатынына сенімді.

Анықтама: «Славтранс Сервис» 2001 жылдан бастап жұмыс істейді және теміржол контейнерлік және қойма логистикасы саласы көшбасшыларының бірі болып табылады, ол ең жоғары деңгейде қызмет көрсетеді.