“БКЛК” АҚ серіктестігі: ынтымақтастықты нығайту, теміржол логистикасын дамыту

Астанада “KTZ Express” АҚ мен“БКЛК”АҚ-ның жұмыс кездесуі өтіп, онда өзара іс-қимыл мәселелері мен болашаққа арналған жоспарлар талқыланды. 

Келіссөздер шеңберінде тасымалдауды жүзеге асыру кезінде қытайлық және еуропалық компаниялармен өзара іс-қимыл стратегиясын қалыптастыруға, сервис жағдайларын жақсартуға және клиенттер үшін қосымша қызметтер жасауға ерекше назар аударылды.

“БКЛК”АҚ –Қазақстан, Ресей және Беларусь темір жолдарының әкімшіліктері құрған, тепе-тең негізде жұмыс істейтін бірлескен кәсіпорын.

Бүгінде “БКЛК”АҚ трансеуразиялық теміржол контейнерлік тасымалдарының көшбасшысы болып табылады, Қытаймен шекарадан Еуропа шекарасына дейінгі ең ұзын учаскеде жүктерді тасымалдау бойынша кешенді қызметтер көрсетеді.

Кездесу теміржол логистикасы саласындағы негізгі ойыншылар арасындағы серіктестіктің маңыздылығын ғана емес, сонымен қатар клиенттер үшін қызметтерді үнемі дамыту мен жетілдіруге деген ұмтылысты растады.