2024 жылы теміржолшылар үшін 180 модульдік ғимарат орнатылады
ҚТЖ-да еңбек жағдайларын жақсарту бойынша жұмыстар жалғасуда. 2023 жылы шалғай учаскелерде жұмыс істейтін теміржолшылардың демалысы үшін 132 модульдік ғимарат сатып алынды, деп хабарлайды Rail-news.kz.
Олар жол, байланыс және электрмен жабдықтау қызметкерлері үшін өндірісте жайлы тұрмыстық жағдайларды қамтамасыз етеді. Үйлерге барлық қажетті инженерлік коммуникациялар қосылған. Олар душ кабиналарымен, тұрмыстық техникамен, жиһазбен, ыдыс-аяқпен және т.б. жабдықталған.
2024 жылдың соңына дейін шалғайдағы станциялар мен разъездерде осындай 180 модульдік ғимарат орнату жоспарлануда. Қазіргі уақытта мұндай үйлерді салу кезінде ең көп уақытты қажет ететін жұмыстар жүргізілуде-іргетас қалануда. Сарықұм, Күрішдаласы, Шолдала, Күркіреусу, Ақпан, Қорғасын, Қызылсай, Дарбаза, Жылга, №16, 15, 18, 19, 236, 142 және т. б. разъезд станцияларында 20 модульдік ғимарат орнату үшін іргетасын қалауға дайындық жүргізілуде.
