Салалық жоғары оқу орындары мен колледждердің оқытушылары ҚТЖ-да біліктілігін арттырды
Темір жол саласының құзыретті мамандарын даярлау бойынша білім беру ұйымдарымен жемісті өзара іс-қимыл шеңберінде ҚТЖ оқу орталығы базасында "Темір жол көлігіндегі автоматика, телемеханика және байланыс" тақырыбы бойынша біліктілікті арттыру курсы өтті, деп хабарлайды Rail-news.kz.
Оқытуға Алматы қаласының (ЛжКА, Satbayev University, Алматы логистика және көлік академиясының колледжі), Қарағанды (А.Сағынов атындағы Қарағанды техникалық университеті), Қостанай (ҚИЭУ Колледжі), Астана қаласының (Тынышпаев атындағы ҚАЗККА Ақмола колледжі, Көлік және коммуникация жоғары колледжі), Ақтөбе (Ақтөбе көлік, байланыс және жаңа технологиялар колледжі) және Жезқазған (Жезқазған индустриалды-гуманитарлық колледжі) өңірлерінің 10 бейінді оқу орындарынан 21 оқытушы қатысты.
Теориялық сабақтардан басқа, біліктілікті арттыру курсы оқытушылардың кәсіби дағдылары мен құзыреттерін дамытуға бағытталған практикалық іс-шараларға толы болды.
Курс тыңдаушылары елордалық вокзал кешеніне, "Солтүстік" тасымалдауды басқарудың өңірлік орталығына, станцияның дөңесі кешеніне және "Локомотив құрастыру зауыты" АҚ-ға барып, өндірістің заманауи технологияларымен, жұмыс процесін ұйымдастырумен және мамандарға қойылатын талаптармен танысты.
Курстың маңызды құрамдас бөлігі ҚТЖ ішкі жаттықтырушыларының күшімен өткізілген жеке-іскерлік құзыреттілікті дамыту бойынша тренингтер болды. Қатысушылар процестерді оңтайландыру, шығындарды жою және жұмыс тиімділігін арттыру, эмоцияларды басқару және жанжалды жағдайларды сындарлы шешу дағдыларын жетілдіруге мүмкіндік алды.
Бұл курс қатысушыларының оң бағасын алып, олардың практикалық құндылығы мен өзектілігін атап өтті.
