Теміржолшылар еңбекті қорғауға қосқан үлестері үшін марапатталды
ҚТЖ-да 2023 жылы өндірістік қауіпсіздік және еңбекті қорғау саласында өзін көрсеткен қызметкерлерді марапаттау өтті. Құрмет грамоталары мен төсбелгілерді ҚТЖ Бас инженері - Техникалық саясат департаментінің директоры Рамазан Садырқұлов тапсырды.
Дәрігерге дейінгі уақтылы көрсеткен көмегі үшін “Ерлігі үшін” белгісімен “Жолаушылар тасымалы” АҚ "Батыс" филиалының жолсерігі Ғалия Қабдрахманова марапатталды. Осы жылдың қаңтарында ол пойыз жүру жолында толғатқан жолаушыдан босануды қабылдады. Қауіпті жұмысты тоқтату құқығын қолданғаны үшін Жамбыл вагон пайдалану депосының тексеруші-жөндеушісі Нұржан Жанкиевке “Кәсібі бойынша үздік” атағы берілді.
Жақын және алыс шет елдерге отбасылық демалысқа арналған жолдамамен Құсмұрын станциясының вагондарды техникалық байқау пунктінің бастығы Владимир Окс көтермеленді. Ол теміржолда 17 жыл жұмыс істейді. 2023 жылы Владимир “KTZ HSE “Өндірістік қауіпсіздік” автоматтандырылған интеграцияланған жүйесінде қауіпсіздік бойынша 100 астам мінез-құлық диалогын ресімдеді, олар уақтылы орындалды. Жүйе арқылы қызметкерлер еңбекті қорғау талаптарының бұзылуы, қауіпті әрекеттер мен жағдайлар, қауіпті жұмысты тоқтату қажеттілігі туралы хабарлайды.
“Адал еңбегі үшін” белгісімен Семей ЖТ бөлімшесінің еңбек қауіпсіздігі және еңбекті қорғау жөніндегі жетекші инженер-технолог Галина Стягова, “Үздік маман” белгісімен - “Әскерилендірілген теміржол күзеті” ЖШС өндірістік қауіпсіздікті ұйымдастыру секторының бас менеджері Серік Мырзашов марапатталды.
"Құрмет грамотасымен" еңбек қауіпсіздігі және еңбекті қорғау жөніндегі нормаларды сақтауда үздік нәтиже көрсеткен қызметкерлер марапатталды. Олардың ішінде Жаңа-Семей станциясының еңбек қауіпсіздігі және еңбекті қорғау жөніндегі жетекші инженер-технологы Айжан Ботаханова және Шелек электрмен жабдықтау дистанциясының еңбекті қорғау және қауіпсіздік техникасы жөніндегі жетекші инженері Алмагүл Байғалиева бар.
"Алғыс хатпен" өнеркәсіптік қауіпсіздік пен еңбекті қорғауды қамтамасыз ету бойынша үздік көрсеткіштері үшін Сексеуіл локомотив пайдалану депосы өндірістік қауіпсіздік және экология секторының бастығы Байқабыл Кенжеғараевқа, Жіңішке станциясының еңбекті қорғау және қауіпсіздік техникасы жөніндегі инженері Айнұр Әбілберіковаға, Аягөз жол дистанциясының еңбекті қорғау және қауіпсіздік техникасы жөніндегі жетекші инженері, рационализатор Дүйсен Сатылғановқа табысталды.
Ықтимал қауіпті жағдайлардың алдын алу бойынша белсенді құралдарды қолданғаны үшін Екібастұз локомотив пайдалану депосының учаске бастығы Қайрат Нәжмиден, Алматы станциясы дефектоскопия цехының шебері Қуаныш Станбеков, Шымкент станциясы жол дистанциясының еңбекті қорғау және қауіпсіздік техникасы жөніндегі жетекші инженері Ғалымжан Полат, Жанғыз-төбе желілік-монтелік пунктінің электромеханигі Бауыржан Самарханов, "KTZE-Khorgos Gateway" ЖШС техникалық қызмет көрсету департаменті директорының орынбасары Данияр Демеубаев, Жаңа-Есіл станциясының тартқыш қосалқы станциясының аға электромеханигі Карине Сүлейманян, Атбасар станциясы атқыштар командасының бастығы Олег Лебедев, "Жолаушылар тасымалы" АҚ "Батыс" филиалы Қызылорда учаскесінің бастығы Алмас Даутбаев, аталған филиалдың өндірістік оқыту нұсқаушысы Асқар Исалин және Ақтау теңіз сауда портының аға стивидоры Қайрат Жұмағалиев марапатталды.