Мектеп түлектері ҚТЖ мүмкіндіктерімен танысты

Жаңалықтар
17.05.2024, 11:06
Суреттерді түсірген автор
Райхан Рахметова

«Қазақстан теміржолшысы» газетінің тілшісі

Елордалық мектеп бітірушілерге көлік саласы, соның ішінде теміржол туралы ақпарат алуға тамаша мүмкіндік берілді. Көлік министрі Марат Қарабаев Астана мектептерінің түлектерімен «ашық микрофон» форматында кездесу өткізіп, оған «ҚТЖ-Жүк тасымалы» ЖШС директорының корпоративтік мәселелер жөніндегі орынбасары Владимир Бабиченко да қатысты.

– Мемлекет басшысы еліміздің көлік-логистикалық әлеуетін нығайту ісіне барынша күш салуды тапсырды. Кәсіби мамандар кез келген саланың табысты дамуының кепілі болып табылады. Бұл кездесуді көлік саласының қоғамдағы атқаратын рөлін айқындап, кейінгі толқынға бағыт-бағдар беру мақсатында ұйымдастырдық, – деді Марат Қарабаев.  

Бүгінгі таңда білікті кадрлар тапшылығы маңызды мәселе болып отыр. Жалпы авто, теміржол және авиация мамандарына деген қажеттілік шамамен 9 мың маманды құрайды. Бұл ретте 39 ЖОО-да 16 мыңнан астам студент осы бағыт бойынша білім алып жатыр. Оның ішінде «Автомобиль жолдары мен әуеайлақтар құрылысы», «Көпірлер мен көлік тоннельдерін салу», «Теміржолдар құрылысы» мамандықтары бойынша баржоғы 441 студент білім алады екен.  

В.Бабиченко «Менің мамандығым – теміржолшы» тақырыбында баяндама жасап, ҚТЖ компаниясының тарихынан бастап бүгінгі күнге дейінгі даму жолы, жаңа дәуірдегі жетістіктері, кадр саясаты, мамандарды оқыту мен олардың материалдық, әлеуметтік жағдайын жасау жайына кеңінен тоқталды. Өзінің де теміржолшылар әулетінен шыққанын жеткізді.

– Бүгінде ҚТЖ транзиттік тасымал көлемін арттыруға мән беріп, көлік-логистикалық қызметтер нарығында еркін қозғалуда. Компания Қазақстандағы тартымды жұмыс берушілер үштігі қатарына еніп отыр. Еліміздегі ең ірі жұмыс беруші компанияда қазір 116 мың адам еңбек етеді. Олардың әрбірі өзінің білімі мен біліктілігі және мамандығына деген адалдығымен теміржол тасымалын қамтамасыз етіп, ел экономикасын дамытуға үлес қосуда. Жұмыс беруші ретінде тартымды болуына бірнеше фактор септік етеді, біріншіден, бізде тәжірибесі болмаса да жұмысқа алу, тұрақты жалақы, мансаптық өсу, жеке және кәсіби тұрғыда даму мүмкіндіктері бар, – деді спикер.  

Ол сондай-ақ теміржолдағы ең негізгі мамандықтар – машинист, станция кезекшісі, пойыз диспетчері, пойыз құрастырушы, вагон қараушы, электр механигі, жолсерік, жол монтері, жол шебері сияқты мамандықтардың міндеттері мен қызметтеріне бөлек-бөлек тоқталды. Айтуынша, бүгінде Магистральдық желілер дирекциясында 21,2 мың адам еңбек етсе, Жолаушылар тасымалында 5,8 мың адам бар, ал Жүк тасымалы бойынша 31,1 мың теміржолшы қызмет етуде. Ең көбі, жол монтерлері – 11 313 адамды құраса, одан кейінгі орында 7 413 машинист бар, сосын 4 627 жолсерік еңбек етеді. Баяндамашы сонымен қатар компаниядағы жас теміржолшыларды қолдап, дамытатын арнайы бағдарламалар мен жобалар туралы да мәлімет берді.  

 

Инфрақұрылым
13.06.2024
Жыл басынан бері 514,2 км теміржол желісі жөнделді
Станция тынысы
13.06.2024
Қазалы станциясы айына 1000 вагон жүк түсіреді
Станция тынысы
13.06.2024
Сарыөзектің үздік бригадасы
Аймақтар
13.06.2024
Ақтөбенің локомотив паркі жаңарып жатыр
ҚТЖ келбеті
13.06.2024
Жылжымалы құрамның қауіпсіз қозғалысын қамтамасыз етуде электромеханиктің жұмысы маңызды
Жолаушылар тасымалы
13.06.2024
Қазақстанда пойызбен қандай курорттық аймақтарға баруға болады?
Әлемде
12.06.2024
Euro-2024. Жанкүйерлер үшін Германия ішінде пойызбен қатынау тиімді болмақ
Жаңалықтар
12.06.2024
Еуропалық комиссия мен Қазақстан Транскаспий дәлізін үйлестіру платформасын іске қосты
Әлемде
12.06.2024
Эстонияда Operail жүк операторын сату бойынша аукцион басталды
Жолаушылар тасымалы
12.06.2024
Алғашқы туристік пойыз Алматыға Сианнан 1 шілдеде келеді
Жолаушылар тасымалы
12.06.2024
Елордадан Бурабай курортына электр пойызбен 2,5 сағатта жетуге болады
Жаңалықтар
11.06.2024
ҚТЖ мен Қытай терминал қызметін дамыту туралы келісті
Жүк тасымалы
11.06.2024
Қазақстан мен Қытай арасындағы теміржол жүк тасымалы 12% өсті
Жаңалықтар
11.06.2024
ЕО мен Қазақстан Транскаспий дәлізін дамыту мәселесін талқылады
Жолаушылар тасымалы
11.06.2024
ҚТЖ елордадан Алматы мен Шымкентке қосымша пойыздарды шығарады
Қауіпсіздік
11.06.2024
Бейнеу станциясында санитарлық-карантиндік жаттығу өтті
Аймақтар
11.06.2024
Арыс станциясында жүк вагонға ұрлыққа түскен күдіктілер ұсталды
Қауіпсіздік
11.06.2024
Техногендік сипаттағы төтенше жағдай қалай жойылды?
Аймақтар
11.06.2024
Қоршаған ортаны қорғау – игілікті іс
Темір жол тарихы
11.06.2024
Астана торабы – сала дамуының айнасы