29 мыңнан астам оқушыға теміржолдағы тәртіп ережесі түсіндірілді
Теміржолшылар көліктегі полиция өкілдерімен бірлесіп осы жылдың мамыр айында теміржолдардың жанында орналасқан оқу орындарында 400-ден астам профилактикалық әңгімелесу жүргізді.
Қауіпсіздік сабақтарына 29 мыңнан астам бала қатысты. Кездесулер Ақмола, Қостанай, Павлодар, Қарағанды, Шымкент, Қызылорда, Ақтөбе, Орал, Атырау және Маңғыстау сияқты өңірлерде өтті. Оқу орындарында 79 кездесу өткізген Ақтөбе теміржолшылары, 77 кездесу өткізген Шымкент теміржол қызметкерлері көшбасшы болды. Қызылордада "жоғары қауіпті теміржол аймағы" тақырыбында 58 жиналыс ұйымдастырылды. Теміржолшылар балаларға өз жұмыстары туралы бейнероликтер көрсетіп, олардың өмірі мен денсаулығын сақтай алатын теміржол инфрақұрылымы нысандарындағы мінез-құлық ережелерін түсіндірді.
Теміржолда балалармен жазатайым оқиғалардың алдын алуға бағытталған әңгімелер өткізу жазғы демалыс қарсаңында дәстүрге айналды.
ҚТЖ теміржол инфрақұрылымы нысанындарындағы қауіпсіздік ережелерін мүлтіксіз сақтауға шақырады және ата-аналарға балалармен түсіндірме әңгімелер жүргізу туралы өтінішпен жүгінеді.
