ҚТЖ теміржолдағы қозғалыс қауіпсіздігін тексеруде
ҚТЖ қозғалыс қауіпсіздігін тексерушілер осы жылдың қаңтар мен мамыр айлары аралығында 4,9 мыңнан астам тексеру жүргізді. Оның ішінде 3,7 мыңнан астамы - жоспарлы, 960 астамы - кенеттен және 220 астамы-жоспардан тыс, деп хабарлайды Rail-news.kz.
Тексеру барысында инфрақұрылым объектілерінің, техникалық құралдар мен жылжымалы құрамның жарамды жай-күйі, жұмыстарды жүргізу технологиясы қағидаларының мүлтіксіз сақталуы, нормативтік-техникалық құжаттаманың сапалы дайындалуы бағаланды.
Сонымен қатар, кадрлық, материалдық, техникалық және технологиялық ресурстардың бекітілген ережелер мен нормаларға сәйкестігіне баға берілді. Белгіленген тәртіппен анықталған бұзушылықтар жойылды. Пойыздар қозғалысының қауіпсіздігі - ҚТЖ қызметіндегі негізгі элемент.