Теміржолда киіктердің қоныс аудару жолдарын қамтамасыз ету жұмыстары жүргізілуде
Киіктердің қауіпсіздігі мен қоныс аударыуын қамтамасыз ету үшін Қарағанды облысы мен Ұлытау облысында Жарық-Жезқазған темір жолы арқылы жабайы жануарлардың жүріп өтетін жолдарының бар-жоғын зерттеу үшін бірлескен сапар ұйымдастырылды, деп хабарлайды Rail-news.kz.
Көшпелі комиссияға Қарағанды облыстық орман шаруашылығы және жануарлар дүниесі аумақтық инспекциясының, Қазақстандық биоәртүрлілікті сақтау қауымдастығының, Ұлытау облысы аумақтық орман шаруашылығы инспекциясының және Жаңаарқа ҚТЖ жол дистанциясының өкілдері қатысты.
16 болжамды миграция учаскесі анықталды. Көшпелі комиссияның ұсынысы бойынша оларға теміржолшылар 70 км қашықтықта темір жол бойындағы қоршауларды бөлшектеу және ашу бойынша жұмыстар жүргізді. Осы учаскеде 6 мал айдау орыны салынды.
Сонымен қатар, киіктің жүріп өтетін жолдары саналатын Жезқазған -Сексеуіл, Шалқар - Бейнеу учаскелерінде жабайы жануарлар үшін арнайы өту орындары жобаланған. Мұнда қоныс аударуы маусымында теміржолшылар жануарларды теміржол арқылы өткізу жұмыстарын ұйымдастырады.
Темір жолдағы қоршаулар пойыздар қозғалысы қауіпсіздігін қамтамасыз ету және қараусыз қалған малдарға соқтығысу жағдайларын азайту үшін орнатылады. Мал жаю ережесі бойынша теміржолшылар көлік полициясымен бірлесіп мал иелерімен түсіндіру жұмыстарын жүргізеді.