Жаңа – Есіл локомотив депосының паркі жаңартылды

Жаңа – Есіл локомотив депосы жаңа ТЭМ-11А  сериялы маневрлік тепловоздармен толықты. Локомотивтер Астанадағы "Локомотив құрастыру зауыты" зауытында жиналды, деп хабарлайды Rail-news.kz.

Маневрлік және шаруашылық жұмыстарға арналған тепловоздарды локомотив бригадалары Жаңа-Есіл – Саумалкөл, Жаңа-Есіл – Зерновая учаскелерінде  пайдаланатын болады.  

Техника локомотив бригадалары үшін барлық жайлылық талаптарына сәйкес келеді: толық автономия, электронды басқару, борттық компьютер, ауа баптау жүйесі, тоңазытқыш, тағамды жылытуға арналған электр плиткасы орнатылған.  

2024 жылдың соңына дейін Қазақстанның локомотив паркі жаңа ТЭМ-11А сериялы 21 маневрлік тепловозбен толықтырылады.