Жас домбырашылар өз өнерлерін Олимпиадада алғаш жеңіске жеткен спортшыларға арнады
«Қарақат» музыка мектебінің дарынды жас домбырашылар Алматы-Өскемен бағыты бойынша жүретін пойызда Парижде өтіп жатқан Олимпиададағы еліміздің спортшыларының алғашқы жеңістеріне арнап, концерт ұйымдастырды. Балалар №351 пойызының жолаушыларын өз өнерлерімен тәнті етіп, ерекше атмосфера сыйлады.
Жас домбырашылар белгілі қазақ композиторы Әбдімомын Желдібаевтың «Ерке сылқым» күйін орындады. Белгілі болғандай, балалар Алматыға Өскеменде өткен музыкалық сайыстан жеңіспен оралып келе жатты. Перронда балаларды туыстары мен жақындары күтіп алып, жеңістерімен шын жүректен құттықтады.
Айта кетейік, Ұлттық тасымалдаушының барлық пойыздарында хабарландыру жүйесі арқылы Олимпиадада медаль жеңіп алған спортшылардың есімдері айтылды. Жолаушылар бұл жаңалықты қуана естіп, спортшыларды қолдап, өз отандастарына мақтаныштарын білдірді.