Тараз станциясында өндірістік емес жарақаттанудың алдын алу бойынша бірлескен рейд өтті
Жамбылдық теміржолшылар мен желілік полиция бөлімінің қызметкерлері Тараз станциясында өндірістік емес жарақаттанудың алдын алу бойынша бірлескен рейд жүргізді, деп хабарлайды Rail-news.kz.
Іс - шараны өткізу орны ретінде қаланың Абай өткелі мен Залинейный (қала аумағының бір бөлігінің бейресми атауы) аудандары таңдалды, онда жаяу жүргіншілер көпір мен өткелдің болуына қарамастан, денсаулығы мен өміріне қауіп төндіріп, темір жолдарды рұқсат етілмейді жерлерде кесіп өтуді жалғастыруда.
Рейд бастамашылары жолдарды рельстермен жүріп кесіп өтетін бұзушылармен профилактикалық әңгіме жүргізіп, теміржолдың қауіптілігі жоғары аймақ екенін және мұқият және қырағы болу керектігін еске салатын ақпараттық парақшалар табыс етті.
Жамбыл жүк тасымалы бөлімінің бас инженері Дүйсенбек Сыдықовтың айтуынша, мұндай рейдтер үнемі өтіп тұрады. Сондай-ақ, теміржолшылар қалалық мектептерде қауіпсіздік сабақтарын, көлік жүргізушілерімен жол жүру ережелерін сақтау маңызды екендігі туралы профилактикалық әңгімелер өткізеді.
"Қала тұрғындарын теміржол инфрақұрылымы нысандарының жанында өте қырағы болуға шақырамыз, асығыстық пен тәртіпсіздік қайғылы жағдайға әкелуі мүмкін", - деді ол.
Тараз станциясы желілік полиция бөлімі бастығының орынбасары Мақсат Дүйсембаев темір жолдарды рұқсат етілмеген жерден кесіп өткені үшін бірінші рет ескерту, содан кейін айыппұл қарастырылғанын еске салды.
ҚТЖ-да темір жолындағы жазатайым оқиғалардың алдын алуға көп көңіл бөлінеді. Теміржолшылар профилактикалық жұмысты еліміздің барлық өңірлерінде жүргізіп келеді.