Отбасы тәрбиесі ұлықталды

Жаңалықтар
02.09.2024, 15:08
Суретті түсірген Александр Жабчук
Сұлугүл Бакесова

«Қазақстан теміржолшысы» газетінің тілшісі

«ҚТЖ» ҰК» АҚ «Көпсалалы қызмет көрсету орталығы» филиалының ұлттық мұраларды ұлықтауға арналған іс-шаралар легі мәреге жетіп, өткен аптада «Абай мұраларындағы отбасы тәрбиесі» тақырыбындағы мәдени кешпен қорытындыланды.  

Осыған дейін бес ай бойы филиалдың әр департаменті аптаның сәрсенбі күні ұлттық киімде келіп, салт дәстүрге сай түрлі тақырыпта челлендж өткізді. Аппарат басшысының «Қазақша сөйлесейік» бастамасын қолдап, бұл күні қызметкерлер тек мемлекеттік тілде қарым-қатынас жасады. Ұлы ақынның туған күніне орай бір ай бойы «Абай оқуларын» өткізді.  

Қорытынды жиын тақырыбы Абай мұраларындағы отбасы тәрбиесі болды. Отбасы құндылығы, аға буынды өскелең ұрпақпен байланыстырудағы отбасы ролі талқыға түсті. Жиында сөз алған «ҚТЖ» ҰК» АҚ Мемлекеттік тілді дамыту секторының бастығы Ербол Тоқтағазы отбасының бала тәрбиесіндегі, баланың ұлттық құндылықтарды сіңіріп өсірудегі, ана тілін құрметтеудегі рөліне ерекше тоқталып, қазір технология қарқынды дамып жатқан мына заманда көп адамның бала тәрбиесімен ісі болмай, балаларды әлеуметтік желілер, теледидар немесе ютуб каналдары тәрбиелеп жатқанын, сол себепті ұрпағымыздың рухани дамуы құлдырап жатқанын қынжыла жеткізді. Әсіресе қазақ балаларының аузынан ана сүті кетпей жатып, ана тілінде емес, жат тілде сөйлеп, ал туған тілінде сөйлеуге келгенде тілі байланып, күмілжіп қалатыны расында ел болашағына төніп тұрған қауіп екенін көпшіліктің ойлана бермейтініне алаңдайтынын да жасырмады. Ал  «ҚТЖ» ҰК» АҚ «Көпсалалы қызмет көрсету орталығы» филиалы бастығының м.а. Наталья Курьянова отбасы тәрбиесінің адамның қалыптасып, дамуына қосар үлесі зор екенін атап өтті.  

Іс-шараның мәртебелі мейманы филология ғылымының кандидаты, Л.Гумилев атындағы Еуразия ұлттық университеті жанындағы «Абай академиясы» ҒЗИ гуманитарлық ғылымдарды зерттеу бөлімінің басшысы Алтынай Асқарова Абай мұраларына тоқталып, ақынның қара сөздеріндегі отбасы хақында айтқан толғамын келтіріп, ұлы ойшылдың өскен ортасы, Зере, Ұлжан аналарымыздың, ұлы ақынның бәйбішесі Ділдәнің ықпалы жайлы әсерлі әңгіме айтты.  

Еркін форматта өткен жиында осынау іс-шараның жоғары деңгейде өтуіне ұйытқы болған «ҚТЖ» ҰК» АҚ «Көпсалалы қызмет көрсету орталығы» филиалы кәсіподақ ұйымының төрайымы Күләш Даниярова «Мақалды тап» интерактивті ойынын ұйымдастырып,  зерек ойымен топ жарып, мақалды тез тапқан қатысушыларға сыйлыққа сувенир-кітапшалар тарту етті. Сонымен қатар осы кеште жұмыспен қатар отбасы құндылығын сақтап, шаңырағының ұйытқысы болып отырған бес балалы аналар – филиал қызметкерлері Айнұр Хасенова, Алмагүл Бисимбаева, Әсел Расилханға әдемі гүл шоқтары тарту етіліп,  құнды кітаптар сыйға берілді. Алмагүл Бисимбаеваның қызы Әзиза Абайдың «Көзімнің қарасы» әнін шырқаса, Айнұр Хасенованың қызы Інжу «Әсемпаз болма әрнеге» өлеңін мәнерлеп оқыды. Сонымен қатар челленджге қатысқан департаментер ресми түрде марапатталып, мәдени кеш көпшілікке рухани әсер сыйлады.    

 

Аймақтар
18.09.2025
Көкшетауда Құрметті теміржолшы Мұратбек Тілеуленовпен кездесу өтті
Жаңалықтар
18.09.2025
Теміржолшылар экологиялық акцияны белсенді қолдады
Жүк тасымалы
18.09.2025
Қазақстаннан Қытайға өсімдік майының пилоттық партиясы жеткізілді
Цифрландыру
18.09.2025
Германия теміржолға 5G желісін енгізуде
Жаңалықтар
18.09.2025
Қарағандыда жүк пойызынан дизель ұрлаған қылмыстық топ ұсталды
Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл