1 қазан – Ақтау теңіз портының құрылған күні
Ақтау порты – логистиканың тұрақты дамуы жолында. Өзінің жарты ғасырдан астам тарихында Ақтау теңіз порты көптеген өзгерістерге ұшырап, тұрақты өндірістік көрсеткіштерді сақтай отырып, Қазақстанның көлік саласы қажеттіліктерін лайықты қамтамасыз етті, деп хабарлайды Rail-news.kz.
Порттың техникалық жарақтандырылуы негізгі бағыттар бойынша – Түрікменстан, Әзірбайжан, Ресей және басқа да елдерге жүктердің кең номенклатурасын өңдеуге мүмкіндік береді. Порттың өткізу қабілеті шамамен 12 млн тоннаны құрайды.
Осы жылдың 8 айында порт арқылы жүктерді ауыстырып тиеу көлемі 3 млн тоннадан асты, ал тамыз айының қорытындысы бойынша бір айда 8 150 50 TEU контейнерін өңдеп, өзінің рекордынан асты.
Бүгінде Ақтау порты Транскаспий халықаралық көлік бағдарын дамытуда шешуші рөл атқарады. Бағыт жүктерді жеткізу мерзімдері бойынша тиімді көрсеткіштерді көрсетеді, олар 2-3 есе қысқарды. Егер өткен жылы ТХКБ бойынша транзитпен 11 контейнерлік пойыз тасымалданса, бүгінде бұл көрсеткіш 220 пойызды немесе өсім 20 есені құрайды.
Ақтау портының өткізу қабілетін одан әрі арттыру үшін контейнерлік хаб салу жобасын іске асыру басталды. Жобаны "ҚТЖ "ҰК" АҚ және "Ляньюньган порты" МК" ЖШҚ компаниялар тобы жүзеге асырады, ол ұлттық теміржол тасымалдаушысының ұзақ мерзімді серіктесі, сонымен бірге ТХКБ маршрутының қатысушысы болып табылады.
Сондай-ақ, айлақ түбін тереңдету жұмыстары, № 12 айлақты қайта жаңартумен № 3 айлақты ұзарту, қайта тиеу техникасы паркін жаңарту жүргізіледі.